飛驒高山之旅2007 - 第二天

2007年9月2日(星期日)

呢日嘅目的地係世界文化遺產"白川鄉", 由名古屋搭巴士要三個鐘, 重要單程每人Yen3,500 (大約港幣230). 勁貴!!

本來沿途都係橫風橫雨, 點知差唔多到時就陽光普照~ 太開心喇!!!

一落車就見倒幾間合掌屋改建而成嘅茶館同食肆.

跟住搭Yen300穿梭巴士上"荻町展望台". 喺呢度望番落山下面, D合掌屋好似童話故事裡面嘅村落咁~ 又有D似瑞士~

呢度係展望台附近嘅食堂同手信店, 好有feel~

睇吓PigPig~ 冒住危險跨過條大渠, 務求達到最佳嘅攝影效果! 勁!!

呢張就係完成品喇!!

呢間係可以入去參觀嘅合掌屋"和田家", 以前係民居, 而家已經改為博物館~ 多謝位位Yen500~

所有合掌屋都無用一口釘, 只係用呢D茅草同繩紮住, 屋頂就鋪咗好幾十層茅草, 冬暖夏涼~ 雖然係咁, 但結構都好穩固.

茅草一層疊一層, 好似個假髮咁~

其實茅屋頂每三至四十年都要重鋪一次, 每次全村起碼二百人都會一齊幫手, 情況都幾壯觀~ (以下張相只係喺網上download, 幾墟冚?!)

午餐喺附近小食店食咗呢度最出名嘅"飛驒牛串"同"飛驒牛薯餅"

重有碗彈牙烏冬~

天然大雪櫃~ D嘢飲就咁浸喺水度, 攞出嚟都好似雪咁凍~ 慳水又慳電!!

沿住條橋行番過去, 就係巴士總站. 呢條橋明明係石屎做, 但行緊時又會搖搖吓, 都幾牙煙~

玩咗大半日, 搭番兩個鐘巴士番到"高山".

晚餐去咗"丸明"食飛驒牛燒肉, 叫咗個"燒肉大皿" 有幾種唔同部位, 樣樣都好好味~ 擺咗落口好似無食咁, 點解? 事關一入口即刻"溶"咗~  只係點少少鹽食已經超好味!!

後來驚唔夠食, 重追加咗個"美濃黑豚肉" 同"奧美濃古地雞". 都係咁正!!

食完就番旅館喇~  大滿足!!