1 Apr 2007 - 台灣的法國巴黎

今日又出動搵台灣婚紗相公司, 去左紅磡都會商場, 因為果度都有成十間八間.... 第一間入左"法國巴黎", 估唔到之後都冇睇埋其他, 就咁就join左!!

其實我諗主要係佢其中一本sample相簿impress到我啦.....之前響其他公司大大話話都睇左二十幾本相簿, 靚係靚.....但主要係d景靚, 都冇咩邊本既拍攝手法真係好鍾意.....尤其是果D懶係玩得好開心好癲, 跳起晒, 重有D手板腳板zoom到大一大......又或者係扮到好cool, 但唔係冷艷高貴而係惡死能登果D....唔係好係我杯茶囉!! (但10本有9本都係咁....台灣風格?! )

而響"法國巴黎"睇到呢本, 畀我感覺係浪漫....甜蜜....溫柔....幸福....但好簡單, 好自然, 唔刻意. 好似兩個人靜靜地拖住手漫步至天涯海角咁....好鍾意果種feel呀!!  我攞住本相簿睇完又睇, 個sales見到我咁, 就開始同我傾價錢啦梗係!! 佢問我想要幾多張相同要咩其他嘢, 最後tailor made左個package畀我:

$13800包24" PVC壓板無縫相簿一本(50張相) + 30"油畫連框1張 + 掌中本2本 (@有毛片20張, 可以同相簿d相唔同但冇執相) + 10"連框1張 + 50"簽名綢1張 + 謝卡300張, 然後帶造型師外出加$1000, so total $14800!!

嘩, 我問佢點解貴過晒其他公司咁多既?? 佢話PVC壓板係比紙板貴好多架, 起碼多$2000!! 不過又真係幾正喎....我見佢起勢屈果頁相簿都冇事, 紙板就一定會有摺痕嘞! 而且防水防火都襟D啦!!  (防火膠板??) 不過諗真D其實加埋掌中本都叫做有成90張相, 價錢都ok架啦....好啦, 成交!!

呢D相就係果本令我"落搭"既相簿入面既相嘞!!

http://fpwed.com/

P.S. 夜晚返到屋企響forum見到有人個package平過我但相多過我喎!! 好嬲呀!!即刻打去搵個sales嘈, 最後佢肯畀多10張相我, 大相簿total有60張相, 條氣先順番咋!!