DAY 4 (b) – 佐世保

食完, 就去石岳動植物園. 跟住開始出事啦. 乘巴士到 ssk 唔知乜野下車, 打算搭巴士到石岳動植物園, 但係原來個幾鐘後先有車, 結果搭左 800 yen 的士先到

 

 

唔算好大, 樣樣有d, 有大象啦 (好有茘園 feel)

 

 

呢3粒足球咁大既野你地自己估啦

 

 

我老婆扮老虎叫引隻獅子, 俾佢掘住, 真係幾凶.

 

 

呀~~好眼瞓呀, 收得工未?

 

 

仲有, 認住呢隻鷹

 

 

可愛的浣熊

 

 

呢個好似危樓既展望台可以見倒九十九島景色

 

 

剪得好得意既樹

 

 

跟住行上去石岳展望台, 已經係5點半, 周圍都無人, 有 d 陰森

 

 

斜路上山半粒鐘 (人地行15分鐘, 我地推 bb 車慢 d). 好辛苦, 不過見過 d 景色後 : 係值得既!

 

 

 

落山 lu, 途經呢個, 唔知係咪秘密基地呢?

 

 

落到山下約18:00, 要18:45才有巴士. 見有一部去鹿子棧橋既巴士, 唸住果度 d 車密d, 便快快追上去搭左, 到左後, 一看個schedule, 幾乎暈低

 

 

唔係掛, 要19:51先有車去火車站? 真係前路茫茫

 

 

正所謂 “山窮水盡疑無路, 柳暗花明又一村”, 就因為無車要焗住係度食晚飯, 而仲開緊既食店又唔多, 我地就係咁先食倒終極好味既拉麵. (好味過一蘭好多!) 左邊既係佐世保名物 : 亞哥拉麵, 己經好好味; 右邊既係 American拉麵, 直頭一番呀! (我地食完仲叫多碗American拉麵, 你話幾好味呢)

 

 

食店就係呢間, 由於要上二樓, 正常下推住bb車根本唔會上去

 

 

食飽飽行陣吹下海風, 心情勁靚. 搭車到左火車站還是8:10左右, 還可以去行下超巿. 搭火車到達博多, 好快又返到酒店. 由於行山咁行, 攰死了…

 

今日蝦碌指數 : *****

又係我無check時間表, 胆粗粗唸住好多車, 結果雨次都係個幾鐘先有部車. 不過因禍得福, 咁先食倒驚世好味拉麵!