熱辣辣的父親節

每年o既母親節或父親節我娘家都好少係當日慶祝,

除左因為好難就o岩我地幾兄弟姊妹o既時間外,

亦都唔鍾意同人迫所以往往都預早食飯慶祝,

但今年父親節當日唔陪下老豆又好似有點兒那個,

於是我呢個搞屎棍又諗到d野同老豆玩下喇

↓

↓

↓

↓

↓

燈燈燈櫈.......就係o係屋企食韓國燒烤喇!

↑睇我老豆打大赤"辣"就知當時室內溫度有幾高啦!

↑而我阿娘都"玩"得好興奮ka!點解要用玩?

因為我阿娘好鬼貪玩ka!旦凡係d新事物佢都用好玩黎形容的,

我一路食一路問佢好唔好玩?!佢都係答我"好玩呀!"哈哈....

↑成間屋都煙霧迷漫,就係因為太大煙o既關係所以唔可以開冷氣

我細個o既時候老豆係一個好硬頸、唔肯接受新事物o既人,

食個方面除左必定要食中菜之外餐餐都必定要有魚,

但到佢而家年紀慢慢大時又開始試下食其他野,

連佢一直唔敢食生野o既人都夠膽試下食三文魚刺生

今次我諗到係屋企食韓國燒烤,

係因為n年前暫時唯一一次同老豆係出面食韓國燒烤,

食完後老豆講笑話"係街拎個坑渠蓋自己屋企燒都得啦!",

呢句說話我記到而家,

為左俾老豆知道唔使拎街個d坑渠蓋都可以食到,

於是我就立齊架生醃好哂d食物返娘家同佢地共度父親節喇!

題外話：

而家做緊優惠，有興趣就去睇下啦!

http://hk.user.auctions.yahoo.com/hk/booth/sabrina_chow819