超級有緣

究竟造就咗啲咩呢？
就係我哋搬出去住喇
個決定好似好倉促咁
但其實我哋考慮咗好耐架啦
不過一路為咗想儲多啲錢
就無動力去實踐
我應該多謝琴日件事

我哋開頭一心諗住租APARTMENT
因為可以咩都唔洗買嘛
但睇咗幾個單位
超唔得
仲細個響粉嶺嗰間
啲所謂傢俬就無謂講
總之同網上邊睇嘅差幾皮
不過可能我哋俾唔起錢啦

之後都半放棄
諗住返去食個飯先
但又唔甘心
就去咗屋企樓下啲地產鋪睇下
其實我哋有啲怯架
因為我哋個樣俾人覺得似玩嘢多啲
一啲都唔似睇樓
問咗第一間
未有得睇住～要22號先有客交番條匙
但個AGENT又幾NICE
增強咗我哋嘅意欲
我哋再去另一間地產度睇
哈哈～可以即刻睇樓
第一樣有緣嘅嘢個單位係同我依家住嘅係同一座
我哋睇咗兩個單位
心水係第一個
諗住係呢個之後
另一樣最重要嘅係徵求我PARENT嘅同意
點之非常順利
就決定落訂

今日我要返工
所有嘢禧一個搞
不過我爸爸媽媽會一齊睇多次
第二個有緣係我媽咪認得個AGENT之前係同我哋住埋同一層
就係咁佢哋就開始勁講
最最最有緣係
原來我想租嗰個單位係TRACY媽咪
真係好爆
我同TRACY幼稚園已經識架啦
係依家分開兩地少聯絡咗
估唔到我哋第一次租樓
佢哋第一次放租係對方
而且我哋已經唔係第一個去睇
之前都有幾個
但佢哋都唔放心
最後就俾我哋得米

聽禧嘅轉述
佢哋幾個玩完呢個相認環節之後
就勁講
禧話如果佢哋唔CLOSE THE DOOR
應該講到全層商場都聽到

所以我真係覺得所有嘢都整定嘅

依家開始我要諗用有限嘅資源去粉飾間屋