奇遇

今朝同禧食完早餐
響ATM襟埋錢就諗住返屋企
行咗唔夠十步
有個着住恤衫西褲嘅人從後面走到嚟我哋面前截住我哋
佢未出聲時
我以為佢想揾我哋做問卷
點之......
「我係做兼職保安
我今日出唔到糧......」
佢未講完
禧好大聲咁喝咗一句：你走唔走呀？
我望住佢個樣呆咗
俾唔切反應
之後我哋就行咗去
上到扶手電梯
我哋望返轉頭
佢仲企響度等
唔知等咩囉？？？

我：你洗唔洗咁大聲呀？
禧：我只係用咗平時嘅三成功力
我：你咁快喝住佢
我想聽埋佢個「故仔」
禧：再唔走
一陣銀包都搶埋你

係囉～我就係嗰啲人哋打電話嚟SELL嘢
唔識收線係咁聽人講嘅人