液體洗髮皂

自開始整皂用皂後，開始唔係好鍾意用街買嘅化學產品，為左由頭到腳都要自家製，今次一於整窩液體洗髮皂用吓。

整液皂打嘅時間真係比一般皂耐好多，部機打到好似就來燒咁都未有trace反應，但係好奇怪喎，當佢突然間感覺怪怪時，佢又忽然變滑喎。

真係話變就變

本書教要蒸大約2小時，蒸完之後冇理佢由佢放响度擺左幾日，d皂糕好似舊冰糖咁，整溶後覺得好熹，加左d鹽水落去令佢'傑'd，唔知要加幾多又唔敢落太多(測試中)，最後出來成品有d似蜜糖嘅質地(如果可以整到同街買嘅咁'傑'就好喇)。

用後感﹕都係果種感覺囉，好似頭髮上所有油份一次過洗哂，如果唔落番d護髮素跟本攪唔掂，又係時候揾吓護髮素點diy喇。