<殺人犯>

(因涉及劇情, 如閣下諗住去睇0既我勸你睇完先番黎睇我以下內文~)

尋日去0左睇<殺人犯>, 等0左咁耐, 之前又講到咁吸引咁好睇, 快d去睇啦, 點知一開頭, 都好地地, 好有驚慄feel, 不過佢開頭0個個shot我真係估到...一開頭無啦啦影住個地下都冇好野架啦...點知真係有個人飛落黎...之後都幾緊湊, (雖然我一早睇過有雜誌爆0左劇情話個細路仔先係主謀), 而0個d血腥都幾逼真, 尤其是0個2支釘0個幕真係好恐怖...嚇到我又係2/3時間掩住耳仔...全院都摒息靜氣睇, 除0左我隔離0個pair x街, 由開場不停咁0係度討論, 妖, 你當你0係屋企睇碟呀而家, 頂佢個肺...但去到中段, 由郭富城0個句" 而家喊係冇用架" 0個句開始, 全院都開始笑, 個個一齊話" 嘩呢套笑片黎架?" 之後0個d都唔多驚咯...本來寫郭富城當佢精神分裂可以寫好d, 有d講少少又唔講, eg, 佢0係間屋度有幻聽, 但只係出現過一次, 如果真係有, 點會只係得一次, 變0左好似有d離題咁。個細路係主謀都算啦,  但最過份個理由竟然牽強到話佢有"不老症", 番黎搵郭富城報仇, 因為郭細個時笑過佢, 但好多野都冇解釋喎...佢個"不老症"一出, 全場笑得仲大聲...喂你諗都諗個好d0既理由啦...離哂譜...如果yahoo影評有負分我實俾負分...

但值得一讚係郭富城d感情做得幾好, 尤其佢發現佢老婆死0左0個幕, 真係幾入戲...如果呢部戲有獎拎, 我諗只會係郭富城有機會做影帝但一定唔會係"最佳劇本"...

浪費0左我百幾蚊...(2張飛)...激死我!!!