五月

        巳经三个月冇来呢度,因为城邦开得番.冇咁多心机同时照顾几个BLOG.呢几个月也没什么大事发生,生活平淡得来像杯开水,饮一啖冇味,再饮多几啖还是无味.每天返工放工返教会.说得好听叫生活好有规律.复活节前老友琪与朋友来青岛旅游.说是来探我,但我又真系冇咩时间陪她,等有时间陪她,她又话累或者话眼训,索性之后几日,不见人影.人离近反而觉得距离好远咁.或者大家生活方式或价值观唔同着,唔多唔少彼此都会有改变.有时真系度谂"唔见好过见",但谁知以后会点样呢..........

         老友走着之后,我开始了做小贩的工作.每天去书店返工前到早市去卖牛蒡茶.第一次去俾人赶来赶去(因无牌照,其实系冇拿钱买一小块位置),就系咁移来避去,第一日都算有唔错的成绩.跟住落来,就办固定的手续,眨眼就快一个月过去,从信心高涨到慢慢低落再到信心涨高,真系个心情好情股票咁跌落涨高.当中的滋味系得自己知.不管怎样,有着一个开始,点都要坚持落去.一个人系青岛呢个鬼地方,唯有靠自己撑住,就算撑得辛苦也要撑落去.有人讲德兰修女表面好似好属灵,个内心其实好黑暗,灵命好低沉.我唔知个传言系点样来的,仲要传来中国咁遥远.我谂德兰修女无论点伟大、点神圣,她始终是一个人,几十年坚持去做同一样野,坚持一个爱的信念,刚开始的艰辛以及之后的辛苦,内心有黑暗好正常,相信唯有与她一起同工的人会明白、会理解,亦都相信她灵命究竟低唔低,个内心黑唔黑暗主最清楚。始终相信一句说话"冇经历就冇发言权".教会内实在太多对人评头评足的人,讲大堆道理,空乏得有时真系想塞住耳仔唔想再听.

         呢两日煲电视剧,煲完无线<最美丽的第七天>,恩与颖的故事有些凄美.虽然感觉有些脱离现实,但点都好,人太过现实也会好累.至少满足着我系感情上的缺憾.自己没办法遇到事,睇到主角有遇到同埋有好的结局,个心也会开心D.朋友今日问我择偶既要求系点样,讲完之后,她亦觉得系好低,但尽管咁低,教会入面依然冇人可寻.其实自己心理好清楚,咁要求系有板可照,只是个Sample净系个Sample.期待那一天那一月.

        今早返书店的路上,见到那只俾拴系街边的小狗狗(只有两个月大),行过去摸摸它,抱抱它.还是不敢让它的舌头舔我的手.走的时候,它对住我细细声叫,对眼系咁望住我.真系好唔捨.不过,明天返来都可以去探它.唔知它叫咩名, 干脆我取名叫"乖乖"吧......