2009回顧

仲有2日...2009年就過去啦...

上一年...由小姐身份到做人老婆...

呢一年...最重要0既事...

當然係有左sallybb啦

由做人老婆到做人亞媽啦~~haha

由19/7/09發現sallybb 0既存在...

真的又驚又喜...

喜0既...當然係因為我地要做人爸爸媽媽啦...

有個流住我倆血脈0既小生命...好神奇~~

驚0既係...一開始冇耐...就有流啡情況出現...

睇醫生時...又未聽到亞b 0既心跳...

休息左2個幾星期...日日都好擔心...

眼淚不停流...又有好多負面想法0既出現...

雖然當時只係懷住sallybb一段好短0既日子...

但對佢0既感情係深厚0既...

感覺到佢就係我生命0既一部份...

果份擔心...實在難以形容...

非常感恩的...

再去覆診時...sallybb已經健健康康啦...

第一次聽到佢心跳果剎那...

雖然未有流出眼淚...

但實在開心得熱淚盈眶...

之後0既日子...

其實都有不適同擔心...

不過多得老公係身邊0既關心...照顧同安慰...

感恩的...sallybb同我都一直健健康康~~

我算是好彩的...大肚婆0既作嘔...冇胃口...

都冇出現在我身上...

大肚後...亦真正知道做人亞媽0既偉大...

知道以前細個０既反叛任性...對亞媽0黎講係幾心痛...

有左sallybb後...

就更感覺到亞爸亞媽對我0既愛錫...照顧...

仲有八十幾日...

希望sallybb都一直健健康康...

家庭方面...我慶幸搵到一個愛錫我0既人...

31/5/2009係我地結婚一週年...

雖然結婚只係短短0既一年...

但其實...我地係一齊已經10年啦...

由讀書...做0野...結婚...生bb...

當中有好多經歷...

好多謝你一直對我0既扶持...照顧...包容...

有左sallybb後...

我就更加知道...

你有幾愛錫我...

但願以後0既路...

我同sallybb...

能夠與你一直手牽手走下去...

love u always~~

讀書方面...因為有左sallybb...

我暫時停學了...

未能同同學仔一齊完成課程...

雖然係一個遺憾...

但我知道...我生命中...

咩0野係最重要...

工作...讀書...都係我人生0既一部份...

但並唔係全部...

家人...朋友...身邊人...

先係我最重視0既0野...

2010年...係我期待0既一年...

因為出年3月尾...我就會見到我0既小可愛啦...

到時我就會成為人地媽咪~~

教養一個小朋友並唔容易...

但我會努力去做...

期望新一年...會有個好開始~~