網誌分類：癌訊 |
圖片
網誌日期：2008-09-26 12:31
因劇痛我走進了醫院的急症室，醫生很快發現我的紀錄，就把我送進專科病房。住了兩天，最大發現就是我不是最慘的病人。例如：左上角的王大叔原來已經做過六次手術，今次膽管再發現腫瘤，難得他堅持不做手術之餘仍能笑看風雲。
右上角來自澳門的鄭伯自五月已經出入醫院，終於等到做手術，三位顧問醫生在開刀前開宗明義講風險極高，可能返唔出手術室。對面的年輕人已經五天不准進食，仍未能將塞滿腸臟的穢物排泄出來，每天見醫生第一句說是：「我幾時可以食嘢？」
至於左手邊鄰居是來自英國的朋友，八四年來港，一直從事法律工作，他是少有破紀錄自四月已經留在醫院的人，吃的已是瑪啡糖漿。由於電視長期守住翡翠台，所以他只能靠黐電腦打發時間。
右手邊的大叔第一次做化療，唔明半年前CT Scan都話肝無瘤，點解咁快就有粒粒？只不過是十分鐘車程，卻等了老婆兩個鐘頭，擔心老伴之餘，最後我替他打了一通電話，發現原來老婆還未出門口。
其實，我的鄰居位位都比自己辛苦，人就是這樣，總會覺得自己有病就想到天咁大，就是這種心態逼到D護士姐姐發癲。我突然發現護士點解會咁惡，因為佢地可以同一時間向護士講：
「（張床）可唔可以較低D？」
「我倒瀉嘢…」
「未俾藥我呀！」
其實，每個病人都會將自己的問題小事化大，只要有人搵佢傾計就可以疏導吓情緒。最慘就係那位英國朋友講，有次這裡的Chaplain Office派個女人來，發現他是天主教徒，就講：「最緊要就係知唔知你信乜…」唉，人地都就死，還要「糾正別人的信仰」，就算按你角度，佢真係信錯，都唔好攪到趕客吖。如果，我係佢，我會煎兩條英國早餐腸俾佢做早餐，因為佢最憎食粥，點知醫院早餐餐餐都係肉碎粥。
我入了醫院後第二個發現，就是學阿Q將自己跟其他人比較後講：「我還是幸福的」，這種心態也是要不得的！這種踩低別人抬高自己，繼續係自已張床賤笑，不如聽吓別人的心聲，為他們禱告之餘，提醒自己的十架路只不過比他們長少少而已。
