網誌分類：工作大小事 |
一早俾亞姐咬左我兩野, 叫我搵個 file 俾佢, 咁搵倒 kock 門入房俾佢, 佢話我 kock 門大聲得濟, 佢唔嚇得, ok, 我錯在骨頭硬, kock 乜都大聲
跟住佢開電腦發現開唔倒只係一片黑, 忽然大叫我話佢部機黑晒, 咁我咪打電話俾O的 IT 人囉, 咁抵死佢話我做乜打電話俾人, 佢係叫我入去同佢睇下部機乜事, 唔係叫我 CALL 人, 頂, 我做 HR 架, 唔係 IT 呀, 我唯有死死氣入去攪下隻老鼠同 Keyboard, 跟手唔掂同佢熄機再開, ok 無事入倒 window. 妖, 老闆大晒, 家陣你唔識熄機再開試下架咩, 點解要咬我入去 .\ /.
喇, CONNIE 我唔準你再O向我返工O既日子放假!!!!!!
跟住律師走O過黎, 佢聽日 LAST DAY, 咁因為有個同事聽日放假, 咁就起哄話影相, 點知亞姐話唔影又影, 影之前望住某O的同事影時又串串共咁, 痴線! 家陣你又唔係主角, 人地平時著得靚唔靚關你咩事? 之後影完又話某同事影得最有精神, 又話人即係最近唔忙無乜野做, 嘩, 你講晒佢啦, 晨早流流講咁多野都句句有骨, 平時食飯食骨唔食肉架?!!?!?
跟住成個下午, 個氣氛都唔係咁好, 好平靜, 真係好似就打風咁.....唔敢放工耶.... @.@"
