16.11.2008 秋季旅行@大棠荔枝山莊

秋天係一個郊遊既好日子, 所以一班mami就為小朋友預備左一個郊遊既節目 - 元朗大棠荔枝山莊一日遊

當日我地就約左12noon係元朗既pizza hut食左lunch先入去, 呢間pizza hut真係抵讚, 我地有9個大人5個小朋友, 佢地劃分左一個corner位俾晒我地, 自成一角呢~

呢對小情人愈來愈好玩, 見到面又認得大家, 又會玩互"支支", 笑到咯咯聲, 仲好似會傾計咁, 珏霖仲拍一拍小吉食緊既手指叫佢唔好食呢~~~

大人同小朋友都食飽飽, 就出發喇~~

曦曦同妹妹豬佢地都係直接到大棠join我地, 我地到達時, 岩岩撞到曦曦呢, 一齊影張相先 (Angus瞓緊覺呢........)

買好入場劵, 入到去無耐就見到一隻黑羊, 後來先知佢就係成個園唯一一隻羊......

餵餵下羊, 小吉岩岩背住隻羊, 點知隻羊走埋小吉身邊, 小吉一轉身就俾隻羊撞到個肚, 今日返婆婆到, 一問佢點餵羊, 佢就"吟"一聲, 再問佢羊咩咩撞你邊到, 佢就即時好淒涼咁拍下肚肚.......

餵完羊就到牛, 又係得一隻........

樹上熟既大樹菠蘿.........

餵魚魚小吉已經好熟, 婆婆成日帶佢去餵呢~~~~

之後行行媽仲有bubbles, 大家一齊玩呢 ^_^

Tama仔仲拎左daddy既太陽眼鏡帶, Tama仔帶得有型d喎, Tamapa不如送左俾Tama仔喇~~~~

同隻假駝鳥影下相喇 ^_^

全日小吉都算乖, 知道daddy整親隻手岩岩好返, 只要daddy指下手腕佢都無扭抱抱, 仲自己行左好耐, 乖乖豬, 錫晒你~~

當日影既唯一一張全家福..........

去完呢個山莊先發現好多動物都無, 建議其他朋友如果要去, 都係買$20一張入場劵會好d, 因為套票($60/人)包既活動好多都唔會玩/無得玩, 買飛時又唔講........

不過, 其實個個小朋友都玩得好開心, 可能又咁大地方俾地跑下行下, 又有小動物睇呢~~ ^_^

p.s. 加左幾十次先可以加晒相關blog友, yahoo blog搞咩呢??