爬爬爬......爬行比賽

一路都無唸過幫小吉報名參加呢個"一生人只得一次機會"既比賽, 都明知佢唔係好爬, 又已經識行, 爬爬下起身行就唔好喇, 900幾人面前俾人foul會好瘀架麻~~  不過又見好多blog友都帶baby去, 就趁墟咁玩埋一份喇~

今日既旅程又係對小吉媽一個大考驗, 因為小吉爸要為習總開路封橋, 所以就唔同我地去玩, 咁小吉媽又唸, 如果搭西鐵要行好遠架喎........ 搭巴士就係正愉景新城落車, 於是我就一手"立"吉, 一手抬車咁帶小吉搭巴士........  估唔到好成功我相信下次要我長征遠d既地方都無問題lu

10am去到愉景新城, 前面有一班人排隊, 無耐就見cary一家3口黎到, happy birthday壽星仔 等左一陣又見到mrs. lee 一家四口, mrs. lee真係一位靚太呢 , 傾下計, 氹下小吉瞓, 一陣就派籌了~ 派派下籌就連tama仔都黎埋......... good 齊晒人

拎完籌等比賽開始時, 我地仲見到hilda ee, 得巴 & 3cat呢, 真係好多blog友參加~ 當我帶小吉去換片片時, 我地經過一個family, 我係背後聽到個位mami話 : 小吉呀, 但當我望返轉頭, 我又唔認得個位mami, 又唔肯定我有無聽錯, 所以我又繼續去換片, 換完片片出黎又唔見左佢地...... 究竟係唔係我聽錯左呢?

其實, 爬行比賽完畢後令我最開心既就係, 我地安排爬第2場, 係第1場爬緊既時候, 我就抱住小吉, 指住比賽既baby講 : 阿囡, 等陣你就好似個d baby咁, 向前爬爬黎媽咪到, 要爬爬爬架, 唔準起身行, 或者坐係到唔郁架..... 小吉望下我, 再望下d baby, 就俾左一個我覺得係"明白"既眼神我, 我心唸 : 你真係明?? 我都未見過你試過爬咁遠路程, 次次爬爬下就要起身, 睇下你玩既時候又點先!!

比賽開始, 我只係用我既電話同鎖匙引佢 (阿媽你真係求其到嘔, 一d準備都無), 小吉又真係開始爬爬爬喎, 只係中段坐一陣同1號lane既baby傾左2句, 之後佢又繼續爬, 不過要知道小吉根本係爬既方面無速度可言, 所以佢爬得唔快架, 最後佢都可以完成賽事, 兼唔知爬第4定第5

原來, 佢真係明我講d咩, 同佢講完個遊戲規則之後, 佢真係有跟足, 兼且乖乖完成賽事, 要知道爬對佢黎講唔係特別鐘意既活動, 仲有d憎憎地, 但佢都肯爬晒成個過程完成賽事, 真係好叻令媽咪好開心呢~ 其實佢贏唔到, 好大機會係我問題, 因為我講漏左係鬥快, 剩係記得叫佢唔好坐係到或行左去, 如果我有講, 應該小吉係可以同珏霖手拖手情侶檔一齊攞第一