網誌分類：小吉的成長歷程 (0-1個月) |
今日我同小吉一齊返左自己屋企, 今日開始我要自己+b爸一齊湊小吉, 直至我返工........... 唔知我地搞唔搞得掂呢個小豆釘呢?? 
小吉個名仲未落實, b爸開始有d唔耐煩, 成日問我諗掂未, 我就借左阿陳隻耳, 一於唔答有關問題.......... 其實我真係未接受到, 俾少少時間我吧
今日同小吉去健康院, 黃已經退左好多 (head = 14 / body = 13), 可惜佢咁大食, 都係重左0.2kg.......... 究竟佢食左個d奶奶去左邊?? 
佢既食量宜家係一日8餐, 個肚好似有鬧鐘咁, 好準時3個鐘就要食, 每次都食3-4oz.......... 小吉小吉, 你快d重多少少啦, 我見你腳仔都唔多肉, 唔捨得咬你呀~~
小吉媽咪 2007-07-31 21:09
secret wish, 係呀, 生完之後頭2個星期, 有個有經驗你又信得過既人照顧下bb真係對你又好對bb又好架, 好似我咁, 係mami到住左差不多3個星期, 身體復原都快d, 所以我好多謝我媽咪架
may, 你老公怕bb夜晚嘈?? 我都有同老公傾過, 如果佢返早, 我叫佢去客房瞓, 始終佢地個行精神真係好緊要, 所以我提早少少接小吉返屋企, 就係就返老公放假同返晏, 到老公下星期返早, 我已經熟習左小吉每日既pattern, 會易好多囉........
may人仔 2007-07-31 16:43
係９９度坐完月, 我都想返屋企試下自己揍, 不過老公要返工佢唔同意呀！
Secret Wish 2007-07-28 11:19
小吉媽咪 2007-07-26 23:03
其實仲坐緊月, 不過想試下自己照顧小吉, 同埋老公放埋呢個星期, 可以幫下手..........
Cary 2007-07-26 10:48
返左屋企喇~~~ 點呀??? 辛唔辛苦呀???
╭☆猫の赤ちゃん╭☆ 2007-07-26 10:21