忽然轉性 陳鍵鋒谷肌冧《學警》女【快周刊 - 20080419】

(台長註：脫，果然是能上雜誌封面的男女不限。唉~~現在的雜誌連標題也起得黃，什麼"壯男"、"慰妻"、"谷肌"，總覺得自己在買咸書)

scanned by三苗台長

點擊看大圖click for full size
(點開圖片後左上角會出現放大鏡icon，點icon便可選圖片大小)

忽然轉性 陳鍵鋒谷肌冧《學警》女【快周刊 - 20080419】

主動出擊平日對女藝人Cool爆的陳鍵鋒，竟然一反常態撩梁嘉琪傾偈，仲氹到人哋得咁開心，認真估佢唔到。 

鴛鴦戲水正式埋位時，陳鍵鋒與梁嘉琪上演一幕鴛鴦戲水，雙方均表現得極度投入，陳鍵鋒更頻頻在女方面前騷肌肉，場面令人歎為觀止。 

神女有心埋位前，梁嘉琪經常孖實陳鍵鋒在拍攝場地四圍行，似乎對男有一定好感。 

向來係緋聞絕緣體嘅陳鍵鋒，每逢拍劇例牌同女演員鬧不和，去年與官恩娜合作《律政新人王II》，更被女方揶揄「唔識鹹濕」，難怪性取向備受質疑。

較早前，陳鍵鋒與新人梁嘉琪為劇集《學警狙擊》拍攝一場落水戲。記者所見，一向聞女色變的陳鍵鋒，當日一反常態，除咗同對手有講有笑，仲頻頻谷肌肉冧女，情況甚不尋常。

拍足三輯《學警》陳鍵鋒，劇中女友卡士一個弱過一個；繼首一、二輯的薛凱琪及郭羨妮後，今輯女友竟換上全無知名度兼拍劇零經驗的梁嘉琪。據了解，陳鍵鋒女友一角原本屬意劉心悠，但對方以「未有期」為由婉拒，由於《學》劇開鏡在即，最後惟有搵梁嘉琪頂上。

轉性冧女

上周日（13日），陳鍵鋒與梁嘉琪在葵涌室內泳池，為新劇《學警狙擊》拍攝一場落水戲。當日戲份講述不擅水性的梁嘉琪，向陳鍵鋒請教學習游泳；據了解，陳鍵鋒為了這場落水戲，早在月前已開始Keep弗，除了日日健身打拳，更不惜節食減磅，經過一輪刻苦操練，身型弗到漏油。當日所見，赤裸上身的陳鍵鋒，露出一身結實肌肉，相較身材平平、僅以一件頭泳裝上陣的梁嘉琪更有睇頭。

早前有報道指，陳鍵鋒因不滿梁嘉琪太「奀」，經常在開工期間刻意留難對方；但據記者所見，陳鍵鋒當日不但完全冇黑面，更一反常態頻頻親近女方，又不時借啲意在對方面前狂騷肌肉，擺明恃大隻冧女，至於首次拍劇的梁嘉琪，難得師兄肯關照，當然受落之至。

性向成疑

據記者觀察，陳鍵鋒與梁嘉琪等埋位期間，全程坐埋一角傾偈談心，直至二人落水拍戲，陳鍵鋒更一反常態顯得甚為雀躍，同以往聞女色變的騎呢作風相比，完全判若兩人。

事實上，出道多時的陳鍵鋒，一向係緋聞絕緣體，加上每逢拍劇例牌同對手鬧不和，故此其性取向一直備受質疑。

話說年前，陳鍵鋒與薛凱琪在《學警I》扮演情侶，起初以「Best Friend」相稱，但旋即傳出交惡；去年初，陳鍵鋒與官恩娜合作劇集《律政新人王II》又傳出不和，期間被女方揶揄「唔識鹹濕」，自此二人不和升級，不時隔空罵戰。

不嬲當靚女係仇人嘅陳鍵鋒，失驚無神對梁嘉琪獻殷勤，莫非轉死性乎？