~變~

突然心血來潮想打一個blog，原因?可能係突然之間發現自己既轉變...

~各位讀者，呢篇係作者一篇有關個人感情既blog，如無興趣請直接跳過~

事緣某位許姓人士最近真係身體唔多好，今日仲有d發病(感冒)，於是我呢輪變得好長氣，好似做左人地阿媽咁，我先由飲食方面開始「依依哦哦」，唔比佢食咁多油膩野，要佢食清d，見佢咳又叫佢唔好飲汽水同暗暗地阻礙左佢食煙，又叫佢早d休息、返房訓、蓋好被...等，總之我依家事後諗返又真係仲煩過佢阿媽。

以我記憶之中，自己都唔係咁「依依哦哦」既人，最多都係問候/提醒一兩句咁啦，都未至於好似依家咁，可能我真係當左佢係仔啦...哈哈~其實除左呢樣野，都仲有野變左，就係多管閒事左~

我一直都覺得兩個人拍拖，就算幾鍾意對方/拍左幾耐都好啦，都唔應該/唔好/唔可以限制/改變對方，無論係嗜好、性格、生活習慣等，我依家都係咁認為架，但我發覺自己變得越來越有限制對方既傾向，最明顯係一d同我既習性完全唔同既野，最好既例子係食煙，由最初我完全無在意，到最近唔鍾意，甚至想佢戒，明明客觀上我會覺得呢個係佢個人既自由同多年既習慣，都唔應該刻意改變佢，只係唔好食太多就得啦(食得多身體唔好嘛~)，但最近已經演變到個情況係佢一食我就唔想理佢，即係已經表明左我既不滿。

另一個轉變，就係容易發脾氣，所指既當然唔係大吵大鬧既啦，而係唔出聲、發晦氣，原因通常都係某人做左一d我覺得唔順眼、唔理我既事。其實客觀上黎睇，我都覺得自己非常十分之無聊，甚至如果發生係其他女仔身上我會覺得佢做既野係多餘同白痴加低能，但偏偏我自己就犯晒呢d野喇~~

察覺到自己有雙重標準既原因，係去阿壕既婚宴見到Yumi為阿強做既事，我當時識得同Yumi講唔好點點點，但事後我驚覺Yumi做既野，自己又何嘗冇做呢?(差在佢真係做得比較盡d)點解我會識得話人唔識得話自己呢??

可能真係如其他人所講，我太緊張啦~~所以早幾個月當我察覺到自己緊左佢既時候，我已經搵野做精神寄託，但係工作方面都係做o個d野，冇咩野可以比我寄託，朋友方面又好似比以前少左聯絡，於是就搵野讀喇~不過衰在揀錯野~其實煲碟係一個不錯既選擇，我之前睇<宮>睇到唔捨得訓，不過問題係冇咁既精神時間，而且好片難求呀~

點解我要搵寄託?因為我怕太緊一個人會造成對方既負擔/壓力，呢個應該都係事實吧...我諗某人依家已經開始有咁既感覺了吧?(如果冇都好d)...而且咁樣對自己都冇好處~因為咁樣好容易迷失自我啊~我已經開始有咁既徵狀了~

希望去一轉北京之後，心情會有所轉變啦~(to某人:你唔去都係一件好事黎既~)