直至記憶消失天與地 - Ekin 音樂匣

好清楚記得那天是1995年12月15日, 應好友邀約聯袂到灣仔會展看禮品展, 經過BMG唱片(現BMA前稱)攤位, 心想Ekin唱片都早集齊了. 但也想好奇地八一八吓, 或有意外收穫呢? 果然瞥見這外形拙樸嘅木製音樂匣躺在一角, 正在發出清脆樂聲. 吸引著我要把它擁有, 於是亳不猶豫, 扑槌買了兩個(一個送亞妹, 也是Ekin 擁躉).

更喜出望外的是, 會場內揚聲器傳來“..歡迎鄭伊健..”“唔係呀嘛? 有冇聽錯? 我今次真‘背‘, 都收唔到風伊麵今日會現身會展 !!”三姨婆“拿拿臨”付錢, 拎起音樂匣, 三步撥埋兩步, 循聲尋去. 果然在臺上伊麵正準備開腔. 他大約唱了三, 四首歌, (三姨婆其時正盤算下一刻如何將他攔下, 給我拍照及簽名留念, 因此失了心神)

很幸運地, 當他步下臺階, 正要與助手穿過會場離去之際, 三姨婆能夠把握時機, 將伊麵截停, (奇怪, 今次觀眾群中, 他的fans不多, 大概那天不是假期吧!) 趕快將背囊中經常預備好(心中常覺得在這段留港期間,有緣會踫上伊麵, 感激我遇見, 哈哈!!)嘅兩隻CD(一隻屬於亞妹四姨婆嘅), 簽名紀念冊, 簽名筆, 相機..全部傾囊而出, 因為掛住同Ekin傾傾講講, 竟然鳥龍忘了開鏡頭蓋, 更要麻煩助手哥哥揸機. 雖然Ekin看來是很“趕”時間, 然而他仍很有耐性及有禮貌, 予人和藹可親感覺.