教會理財講座

上週六晚上教會搞了一個投資理財講座:「基督徒如何看投資」，請了資深投資顧問吳澤偉先生主講，他一開始便用一條有趣的問題幫大家熱熱身! 問題是這樣的…

「如果老闆突然話獎勵你，一次過醒你10倍年薪，你會點用呢?」

好多教友都選擇旅行、投資、還樓按，有些還記得將部分奉獻教會。但原來很少人會記得預留一筆去納稅!

的確很多香港人沒有這個習慣，所以到年尾借貸廣告特別多。

另外，吳先生也提出很有趣的話題。以前的人會「養兒防老」; 現在的人「養老要防兒」!

因為很多後生的不善理財，輕則為供樓供車自己都理唔掂，分分鐘要父母幫拖; 重則欠下一身咭數，幫佢地還息還本都唔見咗一大半"棺材本"。

吳先生又舉另一個例，如果有份工話好筍，請你做每日人工只係俾1個仙(10 cents)，不過老闆會教你點樣利用呢1個仙複式滾存，你做唔做?

我做呀! 因為…吳生開估話: 1個仙喺一個月裡面每日以複息咁計，一個月裡可以賺到幾多錢你地知唔知?

係…超過五佰萬!!

$0.01X2X2X2....X2(30次) = $5,368,709.12

其實吳生只係想帶出咭數複式計數的可怕，真係還一世都還唔完…

這個講座還提及雷曼兄弟事件，也提及為退休打算的各類風險投資。也探討過作為教會撥款投資的利害等。雖然並無什麼入市貼士，但作為整理思想的課題已經很足夠!

多謝吳先生! 可惜時間所限唔夠講，希望下次再抽空過來講埋另外3/4既內容…