動盪社會

好多年前既某一日，我同屋企人番鄉下探姑媽。 旅館大家傾傾下計既時間，姑媽突然同我講"Saqiqi, 個社會好動盪呀!"  當時係SARS之前，97之後，社會應該係幾好景。 就算係97, 都好似未至於用動盪形容，所以當時覺得姑媽好搞笑。

但係依家，我就真係覺得絕對可以用動盪形容。 (我無經歷過SARS, 所以唔敢comment)

以前話裁員，起碼我身邊無乜人真係被人裁。但係今年，接二連三咁聽到身邊朋友，親戚及同事被人裁。 我做既公司都算係大公司，都開始一連串"減磅"行動，今日就聽到話某一內務部的同事要開始每個月放三日無薪假，為期一年以上。

秘書們都講，我們呢都算係內務部(對內) 既人都應該會好快同一命運。 出面仲流傳我公司會減20%人工(唔知係咩級數既員工) 

老闆都同我地放聲氣話公司好快會有進一步消息。

當然，我唔覺得公司真係咁唔掂，只係乘著個風暴乘機"積穀"，不過呢係大趨勢，間間公司都係咁架啦。

依家個感覺有似犯事等判刑咁，睇下係輕(放無薪假) 定係重(減薪) 再或者判死刑。

姑媽，你好叻呀!