網誌分類：日常生活 |
圖片
網誌日期：2009-08-24 21:13
呢個成個Mr. Potato o既Shortbread係咪好攪笑呢?
房東每日都會為左我o既甜品而煩惱,
其實我飯後日日食生果真係冇所謂o既,
不過佢覺得如果日日都見我食生果好似好悶,
但我又對英國o既Pies冇咩興趣,
所以差唔多每日佢都會帶D唔同o既野食返黎,
好似Muffins呀Cheesecakes果等等,
今次就帶左呢個Shortbread返黎俾我囉
呢塊Shortbread一包入面有四塊,
仲送左兩張有唔同表情o既糖做紙俾你自己痴上去,
房東見到後覺得我會鍾意所以就買佢返黎俾我玩同食囉哈哈,
就係o甘o係食之前我就梗係要好好利用我個想像力,
痴下又貼下o甘就變成左上圖呢個貌似Mr. Potato o既Shortbread囉
其實呢Pack Shortbread所送o既圖案都幾攪笑,
不過唔知點降四塊Shortbread,
四對眼四個鼻同四個口但只係得四隻耳仔,
變左我第一次自己痴的只係得一隻耳仔囉
至於塊Shortbread o既味道嘛,
可能因為個Target Market係小朋友啦,
變左其實塊Shortbread都唔係真係太似平時食開的,
不過都還可以o既,
而且有得玩又有得食,
其實要求真係唔可以太多哈哈
o係影完呢張相之後,
塊Shortbread已經俾我咬走左個頭頂同埋帽仔囉哈哈哈
