嘩~足足一年冇寫BLOG嘞~

嘩~足足一年冇寫BLOG嘞~ 冇他既,因為真係諗唔到寫乜啊!

聖誕節3日連休,又冇乜節目,今朝10點起身,因為要上網BOOK羽毛球場,橫掂有D空,就揾D野講下先~

以前間唔中(一,兩星期先一次)都會約FD打羽毛球,但由於場地難BOOK及FD時間難就既關係,漸漸打得更少,但都會KEEP住逢星期六或日約細佬&表弟打波,但始於唔夠喉,於是就試下報康文署既羽毛球訓練班,聽講係好多人報,所以一直都冇行動,咁第一次就試報油尖旺區,因為喺尖咀返工,結果抽籤結果係中咗後補,即係有正選中籤者放棄唔去交錢既話,我就可以補上,原來通常後補者都9成9機會可以補上,結果就第一次就成功報名參加羽訓班,從7月開始到而家,不經不覺都參個咗6期訓練班~除咗第一次係JOIN官涌羽訓班外,之後通常都係JOIN將軍澳翠林體育館,放工就趕D (時間係1900-2100),但打完返屋企就好方便~

雖然話係訓練班,但由於學生多,通常亞SIR都係教下D基本技術,多數時間都係自行打波,同學仔方面就乜程度都有,勁S就漸漸發覺實在技不如人,走位慢,又唔識用力打後場波,真係起碼要去到一定程度先會再好玩D,所以就試下JOIN埋私人羽毛球班,一星期一次,每次2粒鈡,一班有4個學生,學費係$550/4堂,家陣返咗8堂,學識咗打高遠球既技巧,有少少進步,唔錯,唔錯,嘻嘻~

今DAY 下午1點又約咗細佬&表弟去大角咀體育館打波,係時候準備一下,係咁先~

待續!