財經課程陷阱處處

昨晚如常地去上堂,那個課程原先應要討論某報社評,但又話要比番個律師講野,ok,個律師講完後又到個節目主持人出來講野,佢呢個人成日提到一隻股,我之前都有買,但早幾日沽了,他應為要持有,現在升了不停叫d同學買貨,升到咁高,又無前科歷史,佢仲要懶醒咁呻報利益"我無持有上述股份"但佢之前講由8毫持有到8元,咁佢夠沽左啦,若係賺了咁多看得咁好仲沽,佢唔好玩啦,我後來頂唔往問佢"你話比我知,明天是否可以入呢隻股?"他先呆,後說可以少少咁買,仲要講"你都賺了幾蚊,再買就算蝕都唔係好多" 咁佢夠賺好多啦,仲乜唔買番呀!

後來佢話有個必賺錢方法就係炒期指,仲講佢個方法,若你無乜腦,以為佢真係教你就死得人多喇! 股資一個好重要大忌是賭博心態,我地去學既就係看清那些衍生工具點去呃人而唔好去試,d乜野買金陷阱、窩輪、孖展、牛熊証都唔好買,隨時輸死都唔知,但佢教期指短炒,若係咁好搵佢仲要上堂教學咩!真係少d定力都死架,以前有同學輪了幾萬想買外匯,但輸機會好大,若係真正一隻實股(只要不是垃圾)都可以長期持有不會輸身家,呢個亞sir仲話遲下開一班講炒期指,佢去死啦,我都幾十歲唔會睬佢,佢仲推一個記憶班,我唔贊成讀呢d野,大家可以找回無線新聞透視講過呢d班問題,其實只要多閱讀,多看多講便會產生記憶,太過刻意去做某樣野會適得其反,唔一定記到,你話運用圖表幫助,那個製圖人是自己就可以加強記憶而不是為你做圖表的人,各人記憶方法各有不同,不一定可行,所以市面上有乜野學都好,點都要找下資料了解一下有無人去過或專家意見,太多人搞課程搵食!