近況(又病了)

好耐無寫blog生哂手潻,又病到了,上個月開始成日頭痛頭暈,痛到嘔,

重要去睇西醫打止痛痛針先訓到,食完一星期西藥好d,近來就睇中醫,

勁慘晚晚收工回家都要煲中藥,上個月飲到而家,有一晚重飲到噴番哂出0黎,

太苦了,晚晚飲實嘔啦,真係好難頂

中醫就話我~身體勁差,脈脈微弱,風多,肝臟差,面黃,水腫,唔夠氣,

血管有些小塞,腸胃差,肝火勁,又濕條舌多利胎......總之多野

而家成屋嗅中藥味,都唔知點攪,重要飲多2星期,好慘呀

就係晚晚飲呢碗黑忟忟既野,真係飲到嘔架,不過有好少....少...少.....

飲多2星期,月尾就要飲３個月療程既藥,補氣補血果D,

希望真係好d啦,又貴又難飲,一日幾十蚊,都幾禁計,

我唸都三千幾....唉....又要介口,唔食得雞,凍野唔得海鮮唔得,

我最愛既豆漿,綠茶,虾乜都唔得,連公仔面都唔得呀

我生存重有咩意義丫.......

近來輝輝都無乜事,悶d囉,天氣涼左,訓多左

訓到個衰樣,比我影相都唔醒

難訓到不得了

一次過...比埋波波近況你地睇,14歲啦,重生猛過我

係無哂牙,其他乜都正常

重係好頑皮,一d老態都無架,不過成日比輝輝虾囉,

我雖然偏心,但我有撑波波架