又邪過!?

係學校做野，諗都冇諗過會遇到邪野，以前讀書個陣學校的鬼故都係道聽途說，到依家係學校做野，遇到幾次之後先信真係有野。

事緣第一次係電腦室做野，突然有個灰色毛衣的人係我面前走過，諗住唔知邊個學生竟然走佐入來，打完句句子起身想升佢走，點知一轉面，成間房跟本冇人着灰色衫，亦冇人有帶灰色衫，更冇人離開過間房！

個次之後好耐都冇再見過，諗住係個次我太累出現幻覺，點知......

頭先我撘電梯，一開電梯門見到個着毛衣的學生走佐入先前個電腦室，諗住有老師留佢堂，冇注意。點知行過電腦室個陣見到烏燈黑火，又見唔到老師，諗住係學生想偷偷想入去玩，剛想走入去「的」佢出來，點知......個房入面一個人都冇......

即時走人!