1y3m2w4d - 聖誕party#1

契媽預備左肥皂泡! 囝囝係第一次玩咋~ 好開心呀~

有支肥皂泡槍, 可以高速整做好多波波~ 好靚呀!

包圍在泡泡中o既以正~ 開唔開心呀?!

啱喇, 追啦追啦, 追住d泡泡玩啦!

等爸爸教囝囝吹波波玩~

可惜囝囝仲未識得"mount雞", 開唔到支泡泡槍~ 囝呀, 唔係大力"鍊"實支槍就得架~~~

之前囝囝巳經試過俾我地迫佢行草地玩, 所以今日一開始巳經唔驚喇. 但原來, 佢仍然驚摸到d草草 , 跌左o係地又唔敢用雙手扶住個地下企起身, 好慘唔知點算好咁...最后要叫媽媽求救~~~  

玩跑草地玩吹波波玩影相玩左粒幾鐘, 跟住就係散晒要番契媽屋企小休&食個tea.

4個小朋友, 3個去左nap, 以正竟然唔洗訓, 繼續自己周屋行, 周屋玩, party 命?!

番到室內, 我就同囝囝換左我期待以久o既聖誕造型 - 小精靈  係聖誕老人身邊幫手果d小精靈呀~

我覺得好可愛呀~ 可惜得我一個欣賞....慘慘...

今晚有到會有火雞, 仲有xmas cake, 飽!

食飽飽就係送禮物時間. 拆禮物前先同小朋友&佢地o既禮物影張合照先!

影呢張相我真係叫聲都沙, 停低先發覺自己剛才成個癲婆..

好, 拆禮物! 拆呀拆呀拆呀!

拆禮物呢個過程, 相信囝囝最興奮係可以不停咁"meet"紙...

由12點幾出發玩到9點幾, 囝囝由頭帶到尾, 行路一定多過我!

所以回家途中一上車, 即訓! 

===========================================================

差唔多o既一套衫. 9月時著12m 碼, 今日著2y碼 (係, 我太鐘意呢件衫, 所以買多件唔同碼唔同色 ), 果然事隔3個月, 大個囝左好多喎! 由唔識行變左識得跑! 但點解兩件衫都咁FIT身?! 真係大得咁快? 定係個碼有問題架...

 

9月:

 

12月:

anyway, 肯定o既係頭髮真係有長到的~~~

 

(p.s. party第2日, 嫲嫲話囝囝全日都吽吽地, 問我地係咪呢日玩得太癲喎)