好反感 (修改7.10.08)

今日check email睇見有一個email係阿蛇send的,當堂諗起前二日的事所以好反感,無開嚟睇

然後就決定send個email話佢知我好反感佢當日上tutorial好唔尊重我.......,叫佢唔好再打擾我,因為我係唔會再睇佢d message,我哋以後只是阿蛇同學生,因為佢嗰日係用借口同我補課,實際係性搔擾

因為有呢d咁嘅敗類,所以d細佬仔真要睇實d

我知個蛇一直對我有好感,但其他d先生都對我好好,因為我都唔係個乞人憎的人,d先生知我係個用心學習的學生,咁大個人重出來讀書都唔會係搞搞震啦,所以我都無諗其他嘢

我真真係估唔到佢咁喉禽,壞男人我都遇得唔少,不過無一個好似佢咁頂級,佢應該知道咁樣係可以構成性搔擾我可以告佢嗰喎,佢應該知道後果嚴重嗰喎,可想而知佢已經燒壞腦,失哂理智

我之前已經同佢講咗只可以做朋友但佢重係講咗好多令人作嘔的“核突”嘢,想嘔

點解男人見到女人就想入非非?我自問衣著絶對保守,行為絶對端莊,我靚,但重有好多人靚過我

死啦,我重有排要見到呢個賤人架,點算?

我唔係驚佢留難我,雖然都有d,唉,重要對足佢成年咁耐,慘啦,點挨,點頂,唔想見到d咁反胃嘅人,好尷尬

我頭先嗰封email都真係好無保留咁摌佢,等佢以後見到我驚咗我揾路走, 哈哈