香港聖火傳遞

今日係5月2日，亦都係我地香港人等咗44年嘅大日子--香港區火矩傳送。返學途中，見到好多人著住紅色衫，好開心呀!! 我亦都為咗呢次火矩傳送而換上一個粉色嘅書包同筆袋。返學諗住去派報站攞番份Tiger報，點知派報員竟然話呢個站冇貼紙送，真係激死我啦 > <  我諗住貼住返學㗎 > < 我差D變咗火矩(怒氣沖天)

返到學校，見到許SIR着咗件紅色李小龍衫，型到爆 > <     而今日第一個小息開始，校園電視台不斷送上精采嘅電視直播(當然，上堂期間係暫停啦)。係午膳時間更加係狂播，我見到好多火矩手嘅英姿，佢地個個面露笑容，好開心。電視畫面有D圍觀者都唱起國歌，我都情不自禁地唱起上嚟，不過就俾D同學笑話使唔使呀，好無奈呀=="  係午間新聞期間D新聞報道員就播咗D示威片段，見到有D舉住雪山C子旗嘅人士同「你係人」就好嬲，忍唔住爆咗一兩句粗口(曳 > <)。

一番到屋企，我就即刻飛去開電視，噢~已經到第116-117棒，我一路睇，一路係屋企為火矩手加油。去到120棒，即係黃金寶個棒，我好激動，有D想喊 因為我地經過差唔多8小時嘅傳遞，我地完成咗啦!!!!!!!

媽子番嚟嘅時候，帶咗4件佢同事送嘅紅色衫，寫住「中國贏」嘅字樣，好開心 (雖然火矩傳送完晒)

希望中國隊係奧運可以得好嘅成績啦!!!!