Day 2 : 和菓子体験 + 奈良神鹿公園 (上)

Day 2  :  和菓子体験 + 奈良神鹿公園 (上)

呢幾個月真係好忙, 冇時間寫 blog, 因為學緊日文, 1 - 3 月份係學左初級日文班(1), 而 4 - 6 月份學緊初級日文班(2). 日文真係好難, 對於我黎講完全係拉牛上樹. 但係小寧子入晒迷好鐘意, 所以我焗住一齊學.  我係工餘時 or 空暇在家都書不離手, 因為佢堂堂有 Quiz, 家課, 預習, 又有 Mid-term, Final Exam.  唔預習, 死緊, 上堂會完全發夢 !!   我好似又番番去 15 年前中學既吳鈺慈老師時代 !!   不過,  吳鈺慈老師時代更誇張, 連腰板都要坐直, 動也不敢動呢 !!  不過, 學埋呢 2 個月就唔駛再學 la !!  因為日文班(3) d 時間唔岩, 所以我地會揾私人老師授課, 到時應該冇咁辛苦.

今日 Day 2 我地到京都作  - 和菓子体験.   我地先由新大阪搭 JR 到 --> 東福寺  (33 分鐘), 再轉乘京阪電鉄由東福寺 --> 七条  (2分鐘).  我地學制作和果子既京都店鋪叫甘春堂, 整個體驗 (約 1 小時 15 分) 要 2000円.  甘春堂係可以作網上預約的 **(只限 11 am, 1 pm, 3 pm 課).    但係, 我想上 9:15 am 私人團體早班 (要 4 人以上),  因我地之後要去奈良玩.  所以我要寫一封日文予約信, 當時只學左幾個星期日文的我, 焗住胡亂寫了封日文予約 email 信. 點知一天後, 日文 confirm 信就回覆 OK 了.

當時一去到甘春堂巳經有晒我地資料, 在 Counter 先付學費 2000円/ 一人, 之後俾件圍裙俾我地著, 再帶我地上二樓.  二樓個課室好大架, 起碼可以容納 30 ~ 40 人. 老師好嚴格,  洗手都洗左 5 分鐘 !!!   猛男的靚靚女朋友 (千金) 係咁 e 掂一掂個相機, 就又要再洗過啦.  我地將會整 4 個和菓子 (上生菓子 3 個, 干菓子 1 個).  完成後, 會有抹茶同試食 1 個和菓子.   餘下 2  個和菓子會有盒帶走. 但係上課時,  意想不到 !!   原來兩位男仕 :  小寧子同猛男都幾有天份.  但小寧子的妹妹 (小丸子) 天份就差 d,   佢 d 和菓子係黑色既,   因為 d 豆沙餡爆左少少出黎.  不過, 大家都覺得好好玩, 好開心 !!

七条駅 (京阪電鉄) :

甘春堂和菓子店鋪 :

甘春堂和果子店 - 二樓的課室 :

制作和菓子工具 + 今天課題 :

今天的和菓子課題 :

和菓子課題 (放大),  每一個和菓子都有自己的名字呢 :

我的和菓子作品 :

櫻 (干菓子) + 胡蝶 + 宴 + うららか (地面)

和菓子的起源 :  **(以下文字係由芝麻包無聊時, 深入研究所出黎架, 勿抄.)

和菓子是日本傳統的甜點, 起源於奈良時代從中國唐朝傳入, 當時這種唐朝點心是佛廟的供品.  從平安時代便開始成為日本宮中, 朝臣, 和貴族們的盛宴點心,  又或是寺院神社作為儀式的獻祭點心。現在巳是日本各種慶典, 新年或傳統節日不可缺少的祝儀點心. 另外, 和菓子必需根據春夏秋冬自然四季而作不同型態, 而其中以京都 - 京菓子最為正統.

和菓子制作很嚴格, 要符合五大條件,   要用五感去品味 : 

1. 顏色型態 (視覺),

2. 食落美味 (味覺), 

3. 觸感細緻 (觸覺),

4. 香味淡雅 (嗅覺),

5. 名字有意境 (聴覺).  而且符合四季節令.

日本人對四季是很重視的, 和菓子有分上生菓子,  干菓子,  大福 (即係草餅), 上用饅頭,  吉野羹,  焼菓子....等,   而各種造型會以春夏秋冬為主題.  

春天會以櫻花、水仙為題,  名字有花の宴, 春芽, 胡蝶, 春景...等. 

夏天以青梅、竹、朝顏為題,  名字有花火, 星涼, 天の川...等. 

秋天以紅葉、果實、菊花,  銀杏為題,   名字有紅菊, 晩秋, 楓の舞...等. 

冬天以梅花、山茶花,  松葉為題,   名字有雪華, 冬至, 初霜...等.

完成後, 會有抹茶同試食 1 個和菓子 :

餘下 2  個和菓子有盒子帶走 :