Day 3 : 京都和服体験 + 星光夜櫻遊 (上)

Day 3  :  京都和服体験 (租和服) + 星光夜櫻の遊 (上)

今日第三日係整個行程重點之一, 就係和服體驗, 其實京都有好多間租和服, 我就揀左岡本織物, 有興趣既網友可以去佢個 Website 睇下 :  http://www.okamoto-kimono.com/.   和服可租到夜晚 8 點.   女仔和服一天是 5250 Yen,   男仔和服是 4200 Yen,   Set 頭是 500 Yen.    兩個月前當時我只是學左幾個星期日文, 就胡亂寫左一封預約信.  一日之後就回覆 OK 了,   我將回覆 Confirm 信 print 左出黎帶埋去.  當日有個台灣女仔, 佢 send 左英文信預約, 但冇回覆,  佢以為預約左,  點知去到岡本織物冇佢既紀綠, 好彩都俾佢 Walk-in 到入去.  *(如需要:  我可以 load 我個預約信俾大家參考下,  照抄改下時間就得架 la.)

講番行程, 我地一行人由新大阪出發, 搭 JR 約 25 min 到京都, 之後搭 206 巴士,係五条坂下車, 我地都揾左一陣先揾到岡本織物 (本店). 約 10:00  am 入到去, 巳經有好多人揀緊衫 or 換完衫. 我初時以為佢一日接二十個客,  但我估計佢一日起碼接一百個客.   大家無需擔心,  所有流程好順暢, 你只是工廠 Factory 入面其中一件貨物,  你會由一間房移動去另一間房.  我約十分鐘巳揀好和服上樓上換衫.  因為猛男的女朋友 (千金)  揀得好慢,  我  11:15  am 巳經換好衫,  set 好頭走得,  但原來佢仲企係間 200 呎既和服房內超過 1 個小時, 都仲好迷茫咁唔知揀邊套 !!!   我唯有陪佢一齊揀, 佢最後 11:30 am 終於揀到.  我真係唔知佢揀野咁慢,  早知我唔上去換衫先,  陪佢揀完先,  然後捉住佢上去一齊換衫啦,  結果我地 12:15 pm 才可以離開岡本織物. 我地先去清水寺, 入場卷  500  Yen,  係清水寺食埋 lunch,  是一碗烏冬麵, 800 Yen. 

之後我地經清水坂, 三年坂, 二年坂行去高台寺 (都算好近).  約 2:30 pm 到高台寺, 高台寺係豐臣秀吉正室 – 北政所寧寧夫人的住所,  高台寺有成個山頭咁大,  庭內有一棵很出名的枝垂櫻.  下午 4:00 pm  到 6:00 pm,  大家自由活動,   在清水坂, 三年坂, 二年坂自由購物 shopping or 閒逛休息下.   之後 6:30 pm, 我地一齊返去岡本織物還衫. 

由新大阪乘搭 Haruka はるか 特急前往京都,  25 min :

岡本織物 (本店):

清水寺 :

係清水寺食埋 lunch,  是一碗烏冬麵, 800 Yen :

想扮日本人, 可惜我的 Rolex Submariner 手錶出賣了我, 但我真係唔敢除低隻錶留係 - 租和服店.

参觀完清水寺後, 經清水坂, 三年坂, 二年坂行去高台寺 :

石屏小路 :

好朋友猛男 :  "我係咪好精靈 ??"

小寧子妹妹:  "這是我家門口 !!"

到達高台寺 :

高台寺 - 枯山水庭園 + 著名的枝垂櫻 :

芝麻包: "大家好, 這是我家裏小小的後花園而巳...., 哈哈 !!"

高台寺 - 唐風逈廊 :

高台寺 - 清幽的後山 :

高台寺 - 竹林深處 (小寧子的和服造型) :

参觀完高台寺後,  大家回清水坂, 三, 二年坂 -  (4 - 6 pm) 自由購物閒逛 :

**(上面紅色和服 - 果個係小寧子妹妹,  紫色和服 - 果個係猛男的女朋友千金, 我冇乜放佢女朋友 d 相,  其實佢女朋友套和服好靚架 !!   粉紫色和服配淡粉紅色腰帶, 睇上去好高貴架 !!   但小寧子妹妹同我講, 話佢好完美主義架, 佢會將 d 相放大十倍, 睇下有冇見到一粒 "芝麻" 咁大既雀班, 如果有,  就要 delete 左張相呀 !!     所以我都係唔敢亂放佢 d 相,  因怕佢唔鍾意.   其實平時我地 d 相都唔會放到咁大, 而且好多時 d 人都係集中睇個景多.

其實好多日本其他地方黎京都玩既 - 日本妹都會租和服遊京都,  佢地叫做 asobi  "遊ぶ".  果日猛男的女朋友千金話聽到有香港人大叫 :   "嘩 !!  d 日本人好認真喎,  去寺院参拜都着和服呀 !!"     我心諗 :   乜唔係應該係香港人好認真至真咩 ??   去旅行都著當地傳統服飾喎, 哈哈哈 !!)

之後約 6:30 pm, 我地一齊返去岡本織物還衫. 

係清水坂, 三, 二年坂, 有好多好多手信店, 我買左 d 龍貓小物, 和風物品, 同一套浴衣 (2100 Yen). 其實着呢套正式和服都有 d 辛苦, 因為包得好緊, 有三層, 所以都有 d 腰酸背痛架, 因為腰板被逼挺得好直,  可能我算係捱得之人,  同埋我行先,   希望各位團友可以完成到個行程,   所以唔知點解我着住木屐,   都可以健步如飛 ~  !! 

白天行程 - 就只有清水寺 + 高台寺兩個景點,  唔知點解小寧子都嗌晒救命.... !!   咁大個男人真係無鬼用 !!     但係如果你話俾人知用一日時間只是去左清水寺,   咁又真係有 d 離譜.  我知好多網友好厲害,  一日之內可以去完清水寺, 高台寺, 金閣寺, 銀閣寺, 哲學之道.........

岡本織物 - 實用資料 :

網站:  http://www.okamoto-kimono.com/

本店: