"冬至"‧飲茶&晚飯@黃埔

20 Dec.,2009（星期六)

下星期二(22/12/2009)就係冬至啦....中國人話"冬大過年"，咁當然要集齊人聚一聚啦，中國人麻，最重要係 "大團圓"

今日，公公&舅母都放假，就提前造節啦。思思媽收到order後，即刻去訂定檯，留定湯~~

行程:-

中午。飲茶

下午。閒逛黃埔

黃昏。返婆婆屋企準備小朋友晚餐&沖涼

晚上。酒樓食晚飯

順帶一提，今晚餐飯真係麻麻地，平時D質素好得多，唯有講句"大時大節，係差D O家啦，人多麻。" (真係因LEE個原因嗎?)

對思思媽來講，情況更加惡劣，忙住照顧坐唔定，玩到差D反檯嘅思思，邊可以趁熱食呀!樣樣嘢都擺到凍晒先食，好味極都有限啦~~

- - -

題外話:-

其實，只要思思肯坐係椅處搞搞陣，我無嘢落肚又有乜所謂

最怕係佢要落地跑..跑..跑..人多地方窄，點同佢玩看牛遊戲呀?????

更恐怖係，1個落地，就會連帶其餘2個都落地，結果3個跑.跑.跑.....問你怕未!!!!!!!

LEE刻思思媽真係求降...."唉....救命呀!"

究竟點先可以令思思坐定定呢? 

- - -

講返開心嘢先...

下午行黃埔時，細表姐突然不停要求要影相(係處交代下先，細表姐一直以來都係極度討厭影相)。難得今日主動開聲要影相....一定要GO..GO..GO..LA...

>>>舅母&思思&細表姐

思思好鍾意舅母O家，如果得媽媽&舅母畀思思選擇，思思一定會要舅母先....(思思媽)

其實。舅母都好錫思思O家。舅母成日幫手照顧思思，時時陪思思玩，帶思思出街，又會氹到思思哈哈笑....思思媽："多謝晒舅母出手相助"

偶然，思思媽因為太攰，而向思思發脾氣，多得舅母出手氹返思思，辛苦晒!

思思媽成日都問"唔知思思or細表姐幾時大個左，會唔會記得佢哋由出世玩到大呢。爭玩具，打架....等。"

婆婆 "咁細一定唔記得啦!"

希望佢哋永遠都相親相愛，健康快樂!

>>>細表姐主動要攬住思思影.....好sweet.sweet.sweet...呀

>>>希望細表姐食得好，訓得好，日日開心，天天快樂....

- - -

今年都未影過聖誕燈(裝)飾tim

希望來緊假期可以去巡視下啦

祝大家...聖誕快樂!新年進步!!

~~ MERRY CHRISTMAS ~~