應該如何選擇?

我最近搵到一份工...呢份工係關於明星...
可能大家又會覺得...我一定又係為左Joey咁...
雖然呢間公司之前真係有訪問過Joey...
但呢個係我應徵左之後先知...咁即係我原本既目的就唔係為左Joey...
我真係好想做呢份工...我覺得佢好有挑戰性...
起碼唔會好似其他工咁...每日都係做埋同樣既野...
同埋呢份工既工作主要係網絡...無錯!!我的確係好想搵份關於電腦既工...
但最唔好既就係呢份工要係廣州返工...我頭先問過我阿媽...佢話唔比...
果刻我真係好失望...雖然我都有考慮過要離開屋企呢個問題...
但公司對於外地員工係包食包住...而且我都唔會出街咁滯...
都唔洗擔心安全問題...但我知道佢既擔心係正常...
呢份工既人工唔多...甚至可以話係小...講出黎既話...你地都會話我傻...
但點解我仲要去做呢??除左因為有挑戰性之外...仲為興趣...
你有見過一個明星網站可以發展成為最高峰時期年賺幾百萬既公司嗎??
我聽到果陣都覺得驚訝...完全唔敢相信...但事實上呢間公司真係可以...
唉...不過我講出黎...你地都唔會明...只係會覺得我鍾意明星鍾意到痴哂線咁...
今次我係第一次完全唔考慮人工...就想去做既工...因為我覺得我可以學到野...

頭先Mami見我唔開心咁...都主動講起呢個話題...
雖然而家仲未知係唔係一定請我...但希望決定真係請我果陣...屋企人會比啦...
我曾經有諗過先斬後奏...但我又唔想咁...到時Mami可能仲嬲...

而家我唯一考慮既只係...我做左呢份工之後...會無乜機會見Joey...
雖然Joey出國語碟果陣...會去內地宣傳...到時間公司可能又有機會訪問佢...
但試問Joey一年會出幾多次國語碟丫...咪又係一年一次咁大把...