Agnes b (2)

自從去咗一次 le pain grille 之後，果度就便成為咗我同佢都鍾意去嘅餐廳。

亦因為可能我哋多多幫襯嘅關係，le pain grille 得以擴大規模，由原本一間、之後再响同區開多一間。

而响幾個月前，响九龍塘又一城又開多一間。

當然，呢間新舖又有杯送一一呢一次係一套三隻，分別有紅、白、藍三色的玻璃高身水杯。

收到杯嘅佢依然鬼死咁高興。

但係夾夾埋埋，已經有七隻杯......有幾可用到咁多杯呢？

換嚟嘅就係佢嘅一句：「你唔好理啦！」

我仲記得果日食完飯後，順便行吓又一城商塲。

無可避免的，走進咗一間舖頭。

又係 Agnes b。

當兩手空空咁走番出嚟嘅時候，睇到响門口收銀旁，有幾個玻璃皿。

經常見到嘅係鉛筆一一曾經有一次睇到一位内地女同胞一手將玻璃皿內約十幾枝鉛筆用佢嘅無影手一下掃數。

但係果一日見到其中一個玻璃皿裹面，有一盒盒好似火柴盒嘅盒仔。

我攞起一個睇吓，有 Agnes b 名稱嘅一個盒仔，內裹裝有另一品牌嘅貼身產品。

睇完之後，我讚嘆呢個係一個好出色嘅 crossover。然後好順手、好貪心咁攞多幾個。

其後，我將其中兩三個送俾我Ｄ兄弟。

如果大家下一次行過嗰度，而你／妳又愛自已、愛朋友、愛家人嘅話，不妨攞多幾盒啦！