平價食盡越南街市

guesthouse老闆介紹我們去最大的街市，由早到晚都好多野食，就在巴士總站的迴轉處旁邊，叫做ben thanh market，呢個market...我一個trip就去了3次，因為好多野食。

遠遠已經望到個market，但就因為越南交通太過亂，我們呢d外國人唔識過馬路，等左好耐，都未踏出一步，有位越南少女好好人，佢執起我隻手，就領我安全到達，原來佢係果處返工，仲介紹我食邊家好。

個market2層樓高，最吸引是置中的食野攤檔，每家都好細，仲有「開放式」廚房，睇中邊家就自己坐埋去等食，好過癮。

初初都擔心，因為佢地無餐牌，就算有都是越南文，只可以指指篤篤，又想街市唔會貴得去邊啦，當地返工的人都係甘order來食，應該是廉價野，甘就開懷食啦。

食過好似中國腸粉既食品，粉皮即蒸即包，有d肉碎，少少辣，蘸魚露吃，正！

之後就轉去另一個檔，飲擬似珍多冰的飲品，佢個餐牌有好多種類，見旁邊果位越南人飲的不錯，就跟order。原來是食多過飲，因為入面實在太多料，好似唔洗錢甘，唔同香港d越南舖頭。

朋友要買滴滴咖啡做手信，我反而對佢地好多不知名的食品有興趣。問佢地係咩來的，佢地笑住請你試食。

每樣試d，身心都滿足，都只係花我廿蚊港紙，所以忍唔住一去再去，而夜晚market就刪門，改在街外的「大牌檔」食野，所以去胡志明市，唔可以唔識ben thanh market。