一週回顧..

呢個星期都唔多舒服..

唔知係咪果個醬爆鴨舌太熱氣, 前前後後又食左幾日海鮮太毒; 有日起身突然發覺個咀好爆擦咁..又紅又甩皮..唔太痛..但好肉酸...

跟住第二日..仲加埋喉嚨痛..咀角脹住痛...同埋日抖乾咳添...!!!! 呀....跟住係咁日日飲涼茶..搽潤唇膏囉!!!

不過可能尋晚食左辣椒醬&B仔蒜蓉雞翼尖, 今日就又好爆..起身時仲全身軟"奶奶"..其實我係咪作感冒呢?! 唯有..又飲涼茶囉!

呢個weekend係增肥日..尋晚掃YL..

教會橋底淨食碗粉要廿幾蚊, 但係YL一碗粉$15, 雙拼都係$18, 加$4有杯凍飲添..超抵外, 仲要勁好味!

推介:

1) 牛腩河: 可揀..坑腩(多肉), 邊腩(少d肉, 痴住dcollagen)或爽腩(知住d筋)

2) 即炸魚片頭河 (建議叫雙拼, 因為淨叫魚片頭太多太油膩)

3) 自家製辣椒醬 (唔係好辣, 但好香. 我地買左瓶返屋企 $20)

跟住終於去左titi介紹的綿綿冰, 好貴$28. 但夏天食都幾好味! 今次食左芒果, 下次我想食朱古力!

最後我地買左B仔翼尖返屋企宵夜..呵呵...肥死...

今日無咁豐富, 行左陣ST: 食左牛扒, 買左靚衫靚裙..俾人地....嘻..