病．也是福(上)

從上星期五晚起開始感冒，所以早早便睡了~

星期六起來好像沒有什麼事，晚上依計劃跟老友們在聖堂bbq~

星期日仍然精神，直到晚飯後又開始唔妥...胃痛...頭痛...微燒...喉嚨痛...

諗住又係早早去睡便沒事，點知...一個鐘...兩個鐘...都瞓唔著...

起來告訴媽媽時，聲音都沒有了....失聲！大鑊！

媽媽即刻沖左兩杯金嗓子茶俾我，飲左之後，有返少少聲，喉嚨亦舒服左dd，繼續瞓~

星期一起來，感覺好病，但不知從何來的力量驅使我如常返工，如常上堂，一做又做到六點~

雞蛋來了陪我去睇醫生，平日睇開o既診所，唔知點解由即日起冇得睇西醫，再去另一間，多人到爆，冇等到，跟住去左附近一間cheap cheap診所，有兩日葯，但o個個醫生話我冇發燒，唔肯寫假紙俾我，大佬，我呢行冇左聲點搞呀~~ 不過佢唔肯俾，我都冇計~

呢一晚一早約好左同老豆and媽媽食生日飯，唔想掃興，照去~

星期二情況明顯地嚴重左，副校都叫我請假，但基於種種原因...繼續返工！

星期三好左dd，但到下午都係半條人命咁~

星期四去左教院上workshop，全日唔駛講野，同行o既同事們都好照顧我，真係少少野都唔俾我講，明顯地情況有好轉~ 夜晚返中大上堂，都係唔駛講野~ good~~

星期五(今日)可以話係呢個星期可以講得最多野o既一日，經過昨天一日o既休息，今朝講書時把聲雖然沙，但總算講到，但係到左下晝情況又差返lu~~

而家個情況係...講得返野，但把聲難聲到自己都唔想聽~

但係今晚(蛇宴)，明晚(北上)，後晚(囍宴)~~ 我想快d好返呀~~~~~~~~~~

家陣回想返，可能就係星期日晚o既一煲鷄湯！