世界真係細呀~

呢兩星期對"世界真細小"呢句o既感受都頗深~~

事件一：上星期五放工約左老友阿花食tea，行行下迎面見到兩個女仔，其中一個原來係阿花個朋友，咁我就停低等佢地傾啦~ 點知原來另一個女仔係我莊員囉~ 就係咁，我地玩changing partner咁企o係條街傾左幾個字~

事件二：入職前已經知道阿姨個朋友都係o係呢度教，但我一路都冇"相認"o既諗法，點知有一日開會，就係同呢位"auntie"一齊開，講講下，佢話我舊老細係佢老公個舊同事，又講講下，就講到我阿姨係佢個妹o既老友(佢地都算係朋友o既~)！就係咁，關係從此曝光！

事件三：有一日開會，主持的老師得悉我係舊生，問我邊個老師教過我，我望一望在座o既，得佢一個教過我，於是回應一句：「咪係你囉！」哈哈！

事件四：星期三晚返完夜學呆下呆下行返屋企之際，迎面有個女仔叫我，原來係當然讀ive o既同事，估唔到佢認得我，點知，佢劈頭一句：「我廿六號結婚喇~」哈！只好回應一句：「恭喜哂！」跟住又分道揚鑣~

事件五：昨晚上主修科，即係話會見哂呢兩年o既同班同學，一入課室~~~ 竟然見到一個church o既朋友，就係咁，呢兩年就有個伴喇~~

事件六：發生於昨晚放學後，又係呆下呆下行返屋企o既時候，竟然見到舊年個主任，好開心！傾左一陣，佢話遲下派帖o個陣再見啦~ 我話唔駛啦，下星期去另一個同事o既婚宴咪見到囉~

事件七：今日學校邀請左guest唻講talk，同時間屬會其他學校o既輔導人員都唻聽，其中一個竟然係大學katso o既老鬼囉~~

仲有就係o個d食lunch撞到o係中學部做o既朋友仔o既case就唔計喇~ 因為唻緊大把呢類"遇上"o既機會呢~