仲有十幾日jar

真係過得好快，仲有幾十日就變做羅太。哈哈 ...... 好有趣，我不是太過 nervous，反而好 enjoy。Priscilla 講得對，婚禮當日短短數個鐘，真係要好好享受，要盡興 !

係呢個籌備過程，當中有不少不如意的經驗。好似我一向最緊張的裙，點知最後才發現租錯左一條裙及租多左，平時唔會諗wedding gown的我，到籌備自己婚禮時有點lost，所以冇諗清楚便confirm，有一條裙其實唔係好配合total feel，冇法啦，唯有take it easy。錢都俾左啦，算吧。到時唔著便唔著，如其影響個feel，不如不著唯妙。

另外，原來到你人生大日子時，就會發現人情真係薄過紙。有一位由中學到出來工作好friend的朋友，佢話不能出席，不過佢冇講原因，仲有D冇誠意的感覺，可能近幾年大家少聯絡左，不過都識左咁多年，真係咁冇感情? 個刻好失望，算啦，佢唔想同你friend，有什麼辦法?

不過都有開心事既，有好朋友Jodi送左一對Tiffany耳環，哥哥又送左最新的iMac，收到個刻好開心，班姊妹好幫手，有好多朋友係真心祝福你啦，有D野真係要珍惜，冇謂懊惱一D唔care你的人，應該去記住身邊愛惜你的人。