節錄自《雲端上的情書 野蠻空姐的空中情緣II》
如果要選二十一世紀香港最具影響力的人物，你會投誰一票？投給「我會做好呢份工」的煲呔曾？打破小圈子選舉的袋巾梁？「照顧」我們衣食住行的首富李超人？
我，雖然少女時代是忠實的黎生粉絲，可是這次也要變節，舉手兼舉腳亦要投給劉華，他的一句「今時今日，咁嘅服務態度未夠㗎！」自出街後，像山洪暴發般滲入每一角落，多年來歷久不衰的成為全港男女老幼的金句，成為顧客投訴時的最強武器，成為從事服務業者最討厭聽到的說話，真正的把香港的消費主意推上更高峰，你說是否很具影響力先？！Yeah!劉華，你真是很強呀！
剛過去的農歷年間，一天我約了個老友飲早茶，我先去攞位，酒樓人山人海，侍應說今天所有食客也要搭枱坐，新年太旺，這安排可以理解。
十數分鐘後，我已有位，一個人坐下等老友。然後，一個女侍應帶著一個五口子的家庭，父母和三個女，安排他們坐在我隔鄰的六人枱。那個爸爸怒氣沖沖，一坐下就拍枱，聲大夾惡的指著女侍應來駡：「今時今日，你呢啲係咩服務態度？無得唔搭枱，你話唔搭就唔搭呀？我係顧客，我畀錢你哋賺，依家係我話事唔係你哋。」可憐的女侍應在旁還要不停的道歉。
我坐在相距不夠一米的旁邊，用兩隻食指按著耳朵，心裡一千萬個無奈，先是替女侍應可憐，再想像三個年幼的女兒在這樣的人板爸爸影響下，將來會變成怎樣，然後慨嘆香港人的質素每況愈下。你不滿意這家酒樓，何不乾脆去另一家？對面街口就有間。有需要在大庭廣眾大吵大鬧，像動物般咆哮嗎？這餐茶，你會飲得舒服嗎？
換轉在外國，這種人晨早被人趕出餐廳，不稀罕做你生意。侍應也是人，也有應得的專重，更何況如果為了賺你幾塊錢，影響到其他顧客的舒適，就損失更大。你若有不滿要投訴？慳番啖氣啦，他們只會撟起雙手跟你說：「Take it or leave it!」
另一個友人的經典親身經驗，話說她在曼谷去到一家五星級的Spa，期間五個年約三十出頭的香港女子進內，問也不問，便隨便移動人家特意排到每個顧客也可看到窗外園林美景的按摩椅子，然後像在街市叫賣般的大聲說話，兼偶爾一起大笑，完全漠視其他人來這裡是為了Relax。五人中其中一人意識到她們製造了太多聲浪，跟其餘的四個友人說：「我們會否太嘈？」怎知她的姐妹說：「咩呀！我哋畀咗錢㗎喎！」救命，影衰晒我哋香港人！
劉華呀，你幾時會拍多輯廣告，跟香港人說：「今時今日，做顧客嘅唔係畀錢大晒㗎！點先至啱？睇下呀．．．（然後去片），要買得開心，食得放心，做顧客嘅當然亦要以誠懇同埋親切哋態度待人。」
善哉，善哉！功德無量。
Phoebe & Maggie 2009-07-14 19:49
今時今日，咁嘅服務態度未夠㗎！
正確．．同意
kai ming 2008-01-28 15:22
咁又唔係喎！我憎華仔一件事‧你Ｄ客濺一件事‧
你公司最濺！要你做HONG KONG BASE .乜都冇。
YOU DIE YOU CHEAPPPPPPPPPPPP 妖‧
freud 2008-01-15 17:51
我也心有同感, 一看便知道是香港人, 沒辦法自由行有他們文化, 我們也有自由文化
珠玉&雞 2007-12-24 15:00
其實劉華都係想提高香港服務業質素姐(絕對係善意ge，因為有D的確幾差)，而且佢一直做好自己本分，正如你所說係人版一個(先旨聲明，我唔係佢粉絲)，只係有D人過份姐！
賢賢 2007-12-13 11:06
妳講得好,我本身係機場客運大樓開工,真的很容易見識不同國藉
的人質素,香港人和內地的真是不堪入目,可能見個機場大,他們亳不放棄每一刻大聲的說話,唉,影衰哂
何其趣誌 2007-12-10 04:10
ReBig.....kakaka╭☆╮ ☆ 2007-11-28 01:59
邱公子 2007-11-17 05:37
野蠻空姐2007-11-17 16:47
siu82english 2007-11-16 14:20
說得好！
米 2007-11-13 16:37
野蠻空姐2007-11-13 19:38
＊小粉ｃ＊ 2007-11-13 04:47
沒錯哦～＊有些人太過份了！
野蠻空姐2007-11-13 16:13
野蠻空姐 2007-09-12 23:44
其實做社工也不易呢，每個行業也是有苦自己知。不過，最重要的是投入和享受自己的工作，這樣便可抵銷工作上部分的不快。
KEN!!! 2007-09-12 01:46
哈哈...做客的唔係大曬!
我以前係國泰都受過嚨呢啲苦頭呢!好彩我已轉返做社工了!