林蛛桐

今年 HALLOWEEN 冇乜時間同豬桐扮鬼扮馬，因為要測驗、因為要炒工人姐姐、因為..............豬桐跟本唔鍾意買野...唔會有心機睇衫.......所以，算把啦唔好玩啦！

但係豬桐突然醒起 HALLOWEEN係攞正牌食糖架喎，咁佢又發功嗲掂豬媽幫佢揾衫！

豬媽︰喂小姐星期五啦喎....放咗學又要跳中國舞，咁邊有時間去揾衫買啫???是是旦旦啦，百佳制唔制???

豬桐︰好啦！但我唔畫面，唔扮鬼、唔化裝.................

豬媽︰咁你即係玩我啫.....咁你扮乜喎???

豬桐︰我要扮公主...........

豬媽︰吓，諗吓先 (一套公主衫，閒閒地冇二百落唔到樓...採你都傻既，咁貴一如食咗佢好過！二百幾蚊玩兩個鐘....)

入到百佳，由於星期六已經係 HALLOWEEN...所以今日大減價！豬媽揾到一頂女巫帽 $10咋！嘩唔使諗啦即買！就係咁我淨係買咗頂帽比豬桐喇！係咪好弧寒呢??

#1  百佳..............shopping

#2 摸吓先....報告隊長pat pat冇濕喎！

# 3 究竟兩姊弟似唔似樣???

#4 ET go shopping!!!!!!!!!!!!!!!!

#5 頂唔住你兩個女人仔....買野買咁耐，等我抖吓先！

#6 頂帽 lup低啲可能仲搞笑！

#7 本來頂帽係淨黑色 +紅紗，但豬媽發現好似單調得jai...所以手多多走去"做手腳"

 #8 手工都算係咁啦！豬爸話好靚喎！豬媽信架！^ ^

 #9 先去同學仔mami office.....

#10 都係比人睇到個樣好啲，得意啲！

#11 再去大公園，等多啲人一齊"洗樓"

#12 同埋老c阿簡一齊影張相先！

#13 前後相差唔夠十秒，豬小小竟然瞓著咗！

#14 人如揮春︰萬事如意..............叔叔有好多糖ar！

#15 呢個單位係外籍人士入住....佢地好似驚我地唔拍門咁...哈哈咁一於拍大力啲，跟住有個靚靚公主出嚟派糖！真係多謝哂！

#16 呢個uncle 嘩好有心機佈置！裡面仲有隻鬼企喺度架，隻spider又係聲控會郁架！出面仲放咗個南瓜添！去呢度攞糖最開心！

#17 好多戶都冇出去攞糖，反而扮哂野喺屋企等我地去攞糖！

#18 有啲屋企唔興派糖，竟然比人貼大字報。細佬咁又好似唔係咁好喎！

#19 豬小小跟足全程架，但佢唔使行！最後都比佢同啲靚女們影張到此一遊相！

#20 三小花

#21 經過點算，蛛桐今年共攞咗72粒糖，同時為豬媽帶來72個小煩惱！