執二攤

開學以來豬桐都係歡歡喜喜咁返學，亦好主動咁掙取表現機會。例如︰

1. 坐得特別直，比老師讚過！(呢吓真係唔易做架，攰C人架！不過佢會忍喎...)

2. 八到有人報朗誦比賽，佢又即刻返屋企叫豬媽幫佢寫紙比老師 "申請"

    >>結果老師同佢試讀咗一次後，又比佢成功掙取到普通話組資格！(豬媽好開心佢既主動！証明佢好緊長自已啦！)

3. 好努力咁唔傾計.............佢話忍到喎！

4. 做野快手咗︰以前幼稚園公課做兩個鐘，家陣小一功課做半小時 (但家陣啲功課係淺過幼稚園既！)無論如何都係一個好開始，所以我地獎勵佢晚晚一齊玩大富翁！

5. 好緊張自已表現.........因為佢知道好多同學仔、老師都睇佢個BLOG...

     >>哈哈，嗱呢招勁ar，由於佢係冇得控制豬媽喺呢度 "報告"啲乜，所以佢驚豬媽喺度唱衰佢多過驚支雞毛掃架！(咁咪慳返唔使打唔使鬧囉！)

6. 選唔到正副班長，但老師跟手選科長.....第一科中文科，佢冇執輸又舉手，結果如願成功咗！點知後來至知有運動科(PE)科長，佢話勁後悔................佢想做呢科科長多啲喎！

7. 學校150週年表演，佢嗰班由老師選4個小朋友做代表...佢話成班一齊出去試音，佢好努力咁唱，結果可能夠大聲 (佢咁講囉) 所以入選咗！

 . 

.

.

但其實佢內心最期待既係做班長 (但佢一句都冇提過..............唉最驚佢就係咁收收埋埋報喜不報憂自已受哂！) ，因為喺幼稚園小一模擬時她試過一次！直至今日放學返嚟，佢就即刻話比豬媽知有個好消息，叫豬媽估吓係乜? 講真豬桐你仲可以有乜野好消息吖............豬媽一估就估中咗！

原來，本來做副班長既小朋友既媽咪寫紙仔比老師話嗰個小朋友未READY做班長，所以辭職唔做。咁啱又有一個同學仔因為病咗好幾日冇返學，家陣返到嚟乜都比人選哂冇得做。咁老師就揾中文科科長 (豬桐) 讓個位比佢，而豬桐就 "榮升" (執二攤)做咗副班長喇！佢返嚟真係超開心！

雖然係執二攤，但豬媽都好高興！豬媽高興唔係佢做咗咩班長，而係佢執返個自信返嚟！( 原來佢以為老師認為佢唔夠乖....) 家陣佢反口話一定因為老師覺得佢乖揾返佢喎！(喺咁既情況吓，豬媽唯有答︰一定係你平時表現乖囉！希望你KEEP住係咁啦！)

豬桐努力AR.............媽媽好愛您！你比起媽媽想像中更能幹又乖巧.......................不需要太勉強自已去掙取表現！努力了便可以了.........................

但希望你得閒攞本書出嚟讀吓，咪成日啩住睇電視呀！哼

後記︰但豬桐都有野唔開心架.......

1. 佢話操場超細...好迫 ( 30人x 5班 x4級) 成 600人迫哂喺一個籃球場加一個小型雨天操度放小息.............真係迫過旺角架！

2. 書包超重要又要上好多級樓梯.................(鬼咩豬桐不嬲話要準備隨時跑步，所以不嬲都唔肯揹任何野上身架)...家陣佢個書包真係重到跑唔起..hehehe