家鄉雞.........

由於美式快餐唔多有益，豬媽非必要都唔帶豬桐去.........就算去都係一個月一次最多兩次！但有時出街趕時間上訓練班都冇得揀！

話說嗰日同豬小小醫生，橫掂都喺銅鑼灣，咪諗住陪豬桐去維園玩囉！咁一直諗住嗰日全日都係陪豬桐，tum佢開心。食快餐係必要既節目啦！但豬媽都一如以往玩吓豬桐先！

豬媽︰咦我地出咗嚟，不如喺街食埋lunch至返屋企咯！

豬桐︰好野我要食麵！(因為佢知豬媽唔會比佢食快餐)

豬媽︰但我想快啲返屋企喎，仲諗住食個飽算數咋..........

豬桐︰不如食麥當奴吖！

豬媽︰麥當奴好啲定家鄉雞好啲呢................

豬桐︰好野食麥當奴！

豬媽︰好呀！咁麥當奴英文點串吖，串到咪去囉！(每次豬桐要求去麥當奴，豬媽都要問同一條問題！串到至會同佢去食薯條...)

豬桐︰(即刻問工人姐姐點串) 我識我識咪係 MC DON..............

豬媽︰cher都唔係自已串唔算數！

豬桐︰(開始眼紅，但又唔敢喊...因為佢知喊咗一定冇得去)

豬媽︰咁我地去食麵啦！

**********突然*******************

豬桐︰唔好唔好！我地食家鄉雞啦！

豬媽︰點解 ar???

豬桐︰我識串.............唏就係 K. F. C.好野好野我都有得食薯條！ (跟住自已喺度狂笑)

豬媽︰吓！咁都得???