黑色星期五

昨日13-3-2009 (FRI) 黑色星期五，真係黑啲..........

事件一

豬桐恨咗買波板爆炸糖幾個禮拜架啦，但唔夠乖所以一直都冇買！昨日豬桐好大決心要食.........咁佢就豬媽講價，睇吓點樣可以買到波板爆炸糖。咁豬媽要求佢喺半個鐘頭裡面做哂功課同埋自已換好中國舞套制服喇，吖..................佢竟然做到喎咁一定要買比佢啦！

由於豬媽行得慢豬桐又趕住上堂，豬媽就叫豬桐拖姐姐行快啲去買先，豬媽從後跟住嚟啦！嘩，豬桐聽到之後唔係行架，佢係扯住姐姐跑架！好，喺海怡寶血小學同電燈公司BUILDING中間係有條大斜路，通常都會有啲大旅遊巴泊喺度既。亦因為咁嗰度有條好細小既馬路仔(平時只會有電燈公司啲車先入得去，所以可以話冇乜車)

到戲肉喇！！！

咁昨晚當豬桐+姐姐奔跑之際，其實路口有架大旅巴倒後泊緊入去條馬路仔度！唉，姐姐睇都唔睇就同豬桐繼續跑過馬路 (我見佢真係冇拎頭望架) 嘩，豬媽當堂嚇到面青..........................佢兩個啱啱就喺架車後面！豬媽盡哂力叫停..好彩豬桐拉返姐姐退後，而架車咁啱又開得好慢...如果唔係就.........................喊C豬媽咯！ 事後豬桐話，係佢聽到架車退後 有B B聲所以拉返姐姐返嚟，之後先聽到豬媽大叫喎！(真感恩豬桐夠醒目！)

但豬媽成晚瞓唔著，喺度諗︰豬媽要求姐姐拖實豬桐，但姐姐本身仲懵過豬桐，若果有乜事，佢又拖咁實豬桐想走都走唔甩架喎！但唔拖又唔得

事件二

都講咗姐姐係一個好冇手尾既人，佢咁日就比豬媽發現︰

1.用完針線成盒針就咁放喺枱面，唉好彩豬桐唔搞家啫，如果唔係佢攞喺玩點算??

2. 佢去沖涼喺自已櫃筒攞完衫又唔關好個櫃筒，唉豬桐行喎咪又會'KICK"到囉.....

3. 提咗"N"咁多次要抺完野又放好架BB車，佢昨日仍然係冇擺返好，結果...咪又係阻住自已做野囉............

其他仲有好多不能盡錄！豬媽呢個禮拜簡直係佢秘書兼妹仔.... 但佢昨晚又好鬼好心機咁同豬桐讀兒童BIBLE、沖涼時又玩得好開心！豬媽都知針係冇兩頭利...但唔通我唔比佢出街?? 但遲啲豬媽坐月時都要靠佢帶豬桐出出入入去上堂......最後豬爸話，試吓問99可唔可以陪埋佢地出去，咁即係話，一個工人懵閉閉我要用兩個man power傍住佢  (豬桐+99) 咁又好似好唔合乎經濟原則喎！

點都好就生得咯，都唔炒得佢！唯有感謝天主，我work from home成日喺屋企可以"目及"實佢，同埋我有個鍚我同豬桐又精靈既99...可以幫手跟住佢出入囉！

成晚冇覺好瞓................

一早起身，豬爸發現佢買完餸，條鎖匙插咗喺門口冇收返就入咗屋..........

莫非我要豪啲DHA強腦素比佢補一補???豬媽開始有啲產前抑鬱喇..................