豬桐六歲生日會(二)

15/2/2009 生日會上 總共有35個小朋友一齊玩！加埋啲BABA MAMA，好似唔係好夠位添噃......但好熱鬧好好玩囉！但事後兩個皇阿爸都話怕怕喎，只此一次，下次咪搞喎！唉啲男人就係最怕煩，仲要兩個公主玩玩吓都會搞不和仲喊埋添，又要TUM.....今次比咁多女圍住，我諗都唔驚豬爸會"唔乖"咯...兩個皇阿爸真係嚇到手震呀！見到女都驚呀

#1 小朋友開始嚟啦！

#2 呢嗱囡就係咁，比條裙佢著，唔使教都會自已擺POST！

#3 未食完啲小朋友已經出嚟玩 LU！

#4 呢個時侯梗係等蛋糕啦！好緊張添......因為麥記唔夠人，結果係我地兩個皇后自已捧出嚟架！

#5 係咪好驚喜呢..........一個係睡公主一個係灰姑娘！(唔知點解，豬桐由細到大都淨係鍾意灰姑娘！)

#6 唔夠高睇咪企起身囉，使乜驚喎！不過小心啲頭髮咪high哂啲cream ...仲有小心條裙啊！........(這是豬媽的話！) hehe

#7 呢咁咪幾好影到哂啦！冇遮面啦！

#8 個蛋糕手工真係好好！多謝師父仔......

#9 我地同嗰個師父仔講，因為唔想兩個女會比較會掙..所以除咗顏色唔同，係乜都一樣架！

#10 兩家人大合照先！兩個公主其實都係ST.PAUL出世，跟住又住埋同一條村讀埋同一間學校...係咪好有緣呢??

#11 影相幾時時都係女性專利，嚟我地影多張先！呢個蛋糕咪就係豬桐入院嗰日，豬媽唔理豬爸病到CC吓都走咗去訂嗰個蛋糕囉！豬爸...個蛋糕咁靚係咪抵返先??

#12 好多謝ISSACC媽咪同爹啲同我地一齊玩遊戲！

#13 成堆細路喺度，都分唔到邊度係龍頭龍尾LU！

#14 分兩隊玩又好似易搞啲噃！

#15 之後我地加咗抽奬環節！

#16 獎品係中間黃色嗰套手球 哈哈哈！玩吓啫！但全場氣氛即刻升温！

#17 跟住先派麥當當禮物包，再派公主回禮禮物包！人人滿載而歸！

#18 最後係兩位公主由姐姐頒返張生日會簽到咭同埋禮物比佢地喇，佢地個樣好期待噃！

#19 由於完咗生日會豬桐仲要趕去MEGA BOX 通利個鋼琴比賽，我地好多謝姑姐借咗間屋比我地放禮物！跟住我地仲食咗佢兩大個公仔麵！事後姑姐同CHRIS E E仲幫我地運返啲禮物返海怡添！真係唔該哂！