婚禮進度 update (3)

十月二十九日 (星期四)

今朝一早，我二嬸來了我家，仲拎了二份嫁妝來，一份係二嬸送給我的(頭鍊)；另一份係堂哥送給我的 (手鍊)~

另外，今日又收到 4marry.net 免費幫我 design 的 wedding logo，我就幾鍾意啦，大家又覺得點呀 ?

十月三十日 (星期五)

今日放工後，帶埋新買的 girdle 同老公仔去了 Loving U Final Fit，上次 cup 位有走位的的問題已經好多了，只係背部的肥肉包唔晒，有仲少少係度，不過已經比上次好好多啦~

試上身之後，件衫都好岩身，只係有少少鬆~ 不過，老闆娘話唔好再修窄，因為"背部的肥肉包唔晒" 的問題被 highlight 了，所以就聽佢講唔改了 ~

十月三十一日 (星期六)

今朝同我的父母去飲早茶，之後就去了佐敦睇下衫，因為我 big day果日，媽咪唔鍾意著租返來的衫，佢話果 d 衫唔岩佢 wor，花花碌碌咁~

我哋去了一間叫 "意大利" 的 shop，果度好多女士的套裝衫，入到去我就幫媽咪揀了 1 套衫，係粉紫色的套裝 (三件頭的)，清清地的，釘咗 d 珠仔花咁 ($1280) ~

媽咪試上身之後，我同 daddy 都覺得幾好睇，但媽咪都仲係覺得太隆重，我同 daddy 講了好耐先說服佢買咋 ~

買完衫之後，我哋就一齊回家，我再係屋企拎 d 書過去新居那邊，同老公仔一齊搵 d 情歌 for big day 果晚播啦~

老公仔一早已經到了新居，不過佢唔係係度搵歌，佢係度睇返之前果幾集宮心計咋，真係激死人 !!!

不過唔緊要啦，我返到新居後，我同老公仔都一齊搵了好多好好聽的歌，遲少少就再決定會播邊 d 歌啦~

十一月一日 (星期日)

今朝一早就同 daddy 去了舅母家派帖，同埋同舅母一家去飲茶~

飲完茶之後就同 daddy 去了做西裝果間公司試身，點知去到，個師傅話仲未得 (之前又話 1/11 嘅 ???)，叫我哋聽日再來過，真係激死人，白行一趟~

於是，daddy 就回家先，而我就約埋老公仔入元朗，去我姑姐家派帖，之後就去了荃灣 shopping~