過大禮日

今日係我哋過大禮的日子，我哋揀咗下午三點至五點呢個時辰~

我同我媽咪尋晚都瞓得唔係幾好，可能係有 d 緊張的關係，所以我哋一家好早就起晒身，根住就各有各忙~

我就要執埋 d 衫同書過去新居，要 daddy 同埋媽咪就打掃下屋企，有拎返 d 茶具出來，用來招呼我哋 d 親戚同埋老公仔的親戚~

大約 12 點度，Daddy 同媽咪就先去酒樓攞飛等位，因為親戚來幫手，點都要請人家食返餐飯，多謝人家先得啦~

而我就去拎 d 西餅同埋去 supermarket 買定 d 飲品，用來招呼今日的來賓，之後就會合返我父母，大約等了一個鐘先有位，我哋坐低無耐，我哋 d 親戚就到了，分別係我二叔、二嬸、細姑姐、妯姑丈、堂阿哥、堂家姐同埋堂姐夫~

大約食到 2 點半就返了我家，因為時候尚早，所以大家就傾下計先，有 d 就係度賭下馬咁，時間都算好快過~

係等的其間，堂家姐拎咗 2 件金器出來，一件係佢同堂姐夫送比我的手鍊，另一件係佢代 grandmother 買(因為 grandmother 住係老人院，所以唔方便買，就叫堂家姐代勞)，送比我的龍鳳鈪一隻~

老公仔係 3:30pm 就打電話比我，佢哋已經出了門口，大約 3:45 pm 就到咗我家了~

今日老公仔的舅母、2 位阿姨同埋佢大果個妹，一行四人拎了 12 袋嘢上來 (而老公仔就幫手拎到 lift 口後，就去了商場的快餐店等)，未來奶奶同埋未來老爺真係太客氣了~ (由於當時太多人幫了，所以都影唔切過大禮的全體相)

12 袋嘢除了以上的過大禮禮籃之外，仲有 2 籃生果籃、28個嫁女餅、8 款海咪 (每樣各 4 包)、上頭用品、2 對龍鳳鈪、禮金等等~

之後我同二嬸、堂家姐就將 d 禮品分類，每樣回返一半比男家的親戚拎走，同埋我父母封比未來女婿的利是，連同女家回禮的物品比埋佢哋一齊拎返去男家~

整過過程都好順利，大約 4:30pm 就完成，而我二嬸、堂家姐同埋細姑姐仲幫男家的親戚拎 d 禮品落樓，仲陪佢哋搭埋的士先上返來~

我就同父母一齊將 d 嫁女餅同埋生果分成幾袋，送比幫手的幾位親戚，作為答謝佢哋的幫忙，同埋分享一下咁啦~

真係好多謝各位男女家的親戚的幫忙，令到今日的流程好順利咁完成~