深現睇排版 (第二輯) - 百萬葵園篇

原先約了今日下午 4:00，上去深現睇百萬葵園那輯相的排版，但由於老公仔今日係 short week 唔駛返工，所以我哋想早 d 上去，睇完可以去行街街啦 ~

我早一日就係 MSN 同微微講想改為 1:00pm 睇，好彩都 ok 啫~

上到去深現，因為有其他人睇緊排版，所以都要等了成 20 分鐘先到我哋睇，初步睇已經好滿意，但都仲有少少嘢要修改，所以要等多 30 分鐘先 ok ~

深現的排版真係進步了好多，比起我哋第一輯相的時候，已經靚了好多，亦都唔會話要改好多嘢先接受到，真係唔錯啦 ~

睇完排版都差唔多成 3:00pm 了，我哋又過了深現對面的百富燒烤食 tea，食飽就去了筍崗 shopping ~

因為我哋之前去廣州買結婚用品時，漏了買一對新碗筷同埋撲克牌，所以趁住今次上來深現，我哋就去筍崗買埋啦 ~

 rmb 38

 rmb 3 一 pack, 買了 8  pack

行行下，見到呢張雙人抓毛被，好似幾靚，所以又買埋~

不過老公仔唔係幾鍾意啦，佢過粉紅色太女仔了，不過無辨法啦，因為我鍾意嘛~ hehe.....

 rmb 50

行到 5:30pm 到，我哋就搭的士去舊書城，我已經同個的士司機講明係去科學館站那一個，點知去車過我哋去少年宮站那一個新的，真係激死人 !!!

少年宮站那個新書城一 d 都唔好行，真係賣書的 shop 好少，我覺得似一個 shopping center 多 d lor~

由於我哋要趕返香港睇晚上開鑼的英超，所以唔可以再搭車過返舊書城那邊，仲令到我買唔到今個月的網球雜誌添，真係失望~