係時候又要做D野啦

好似好耐冇提起婚禮的事，因為好似仲有大把時間咁。真係唔明點解要咁早開始籌備，除左book場呢個原因外，真係唸唔倒其他原因。件事拖左咁多個月，我個人來說覺得好沉悶。

起初真係好興奮，成日諗住，不過好難keep住呢種興奮感覺半年以上 ........hahha

好啦，仲有兩個多月的時間，我又要wake up啦。

我諗仲有以下事項要完成，真係好，最鍾意有progress的感覺。

1/ Tailor-made wedding gown
我諗我真係騙唔到自己，唔試吓訂造婚紗唔安樂。原本係Peony confirm左婚紗，但係總覺得唔靚，最後走左去訂造。好在價錢唔係太貴，如果手工唔好，最多著番租左個條。原本覺得好浪費，但係 ............ 自己知自己事， 我對美感要求太高啦，唔試吓唔安樂，算啦，唯有同自己講一生人一次，冇得計。 (Deadline: 10月尾)

2/ Invitation Card
呢個project仲未開始。我比較喜歡自己製造，一來好玩，二來市面上的製成品唔合眼緣。我知Kenny好好奇，因為係佢眼中呢件係不可思異的事，但係我真係好有興趣。不過要快D去搵料啦，因為我諗12月要完成，到時係時候派貼。 (Deadline: 12月)

3/ Bridemaid Dress
我係造wedding gown的shop見到有姊妹裙造，佢地的quality好好，款式好grand，不過價錢比其他shop貴double。初部徵詢左姊妹意見，佢地唔想我太花錢，所以唔係好agree。不過我睇過其他shop，又係唔合眼緣。我的唯美主意又發作啦，可能最後又係個度訂造埋 (Deadline to confirm: 11月)

4/ Wedding Cake
之前反覆睇過好多間wedding cake shops，大部份都好靚，價錢仲靚，起碼5000以上。我諗呢個係少數我可以妥協的item，問過幫我佈置的Priscilla，佢話只要我訂造一個純白色的蛋糕，佢可以幫我佈置埋。wow ....... GOOD idea，有佢幫手，個cake一定好靚。我諗訂一個白色蛋糕平好多 ...........  (Deadline to confirm: 11月尾)