第一次試妝，一肚氣

上星期貪得意係金都book左試妝，念住$200咁平，比較吓都好，睇吓個化妝師會唔會合付我的要求。

其實當我預約時已經再三問佢地識唔識化雜誌上的妝，同埋個髮型，佢地講到好易，咁我咪即管一試啦。

點知，一肚氣!

首先，個化妝師成日跌D野落我身度，仲跌落我的手袋度!  好messy。

其次，我一早講左要化2個妝，仲拿住本雜誌俾佢睇，好清楚。點知佢居然把兩個妝combine together!我即時叫停佢，問佢點解咁樣化，佢先醒覺搞錯左 ..........><

最後，個髮型 .............唉 ..........佢根本handle唔倒! 一味話好易，但係我一D都唔覺得佢識law，個髮型好ugly。可能佢sense到我唔happy，佢提議加頭飾，佢係咁拿D好多石好多珠的頭飾嘗試放係我的頭上，我真係頂唔順啦 ................

拿拿臨放低錢就走，佢問我仲有第二個妝味做wor，我唯有話趕時間，下次先啦。

諗諗吓，我想要的，可能都係得上次pre-wedding photo shooting個化妝師才做倒。

今日真係白行。

不過都好，我更加清楚自己鍾意什麼，同埋知道點樣先arm我。