2007 章魚聖誕聯歡

今日 Christmas Day 各章魚及即將成為章魚既朋友們  到南瓜章魚新居開 Christmas Party ~

原先大家討論過每人整一樣食物, 不過.. 已經好耐無整野食既我, 除左 d 好簡單如菠蘿腸仔呀, 三文治等外, 真係唔敢o係 d 大時大節整黎"嚇"大家, 所以.. 最後選擇嗌外賣

有心思既蛋糕王子整左個好美味既朱古力 Rasberry 蛋糕, BBF 亦預先製作豉油雞翼, 還有屋主南瓜章魚既啫喱糖, 仲有 1479 既焗西蘭花.. 除左呢 d 有心既製作之外, 加上其他章魚成員既 KFC + 元氣外賣, 成為我地 2007 年 Christmas Party 既美食 :D 好豐富呢 ~

而病左既我似乎無諗過要戒口, 薯片啦, 雞啦, 凍飲.. 等全部都食過.. 希望負負會得一個正, 食完會好番晒

食完大家開始玩大富翁, wa ~ 原來而家大富翁好先進架, 唔再要一張張銀紙咁數, 已經進化為用 "store value card", 好似八達通咁儲住晒 d $$ 架, 唔會好似以前咁 d $ 周圍飛亂晒.. 方便左不過又好似少左 d 數 $ 既樂趣 ~

玩左一陣, 到交換禮物時間, 我抽到 BBF 選購的極實用禮物呢 ~ 好 GD ~

仲收到好多聖誕禮物添, 多謝 1479, BBF, 悶蛋章魚..  So Sorry 今年無為各章魚準備到聖誕禮物. 下年會為你地準備一份大份 d 既

到左差唔多 11pm, 已經開始好攰同埋勁流鼻水, 所以要先走回家食藥! 謝謝南瓜章魚唔舒服都送我去地鐵站  唔知係咪病到懵下懵下, 定係 d 藥會令人神智不清, 今日不停地發生一件又一件既大懵事......

先係唔記得帶小朋友走, 可憐既小闊仔仔留左係南瓜姨姨屋企 v_v" 而家暫交由露比姨姨照顧, 真係辛苦晒

* 小王子係咪南瓜細佬既小朋友呀  歡迎歡迎 ~ *

隔左一陣, 去到地鐵站, 從袋中拎散子包出黎嘟八達通既時候, 先發現唔記得將買左既聖誕版 Kinder 出奇蛋分俾各位 v_v" ai ya, 仲諗住可以一齊拆開 d 蛋睇下邊個抽到 sponge bob 嘛, 都怪自己無記性, 帶番成堆蛋返屋企..

又再隔左一陣, 搭搭下車突然諗起, 買野食唔記得夾番 d $$ 啊!! 連續唔記得咁多樣野真係"非常難得"!! 好可怕!!

只希望快快好番, 唔好再咁大懵咁無記性啦 ~!